Advertisement ad1

Bengaluru: Ka Khasi Students’ Union, Bengaluru Unit da pynman ko yei lehkmen dap chisnem ka Unit yong ka nadooh ka sngi wa pynskem ya ka da u Kynpham Kharlyngdoh ha ka 28 tarik uni u bnai.

Da kynmoo warom ya kani ka sngi hapoh R. R. Institutions, Bengaluru. Ka KSU, Bengaluru Unit da pynman ko leh ya ka Lucky Draw ha ka jooh ka sngi deilang wa ki chaad, ki rwai, ka Quiz Competition wa ka Basketball Competition heiwa da wan chimbynta da ki khynnah puræ napoh Meghalaya hapoh Bengaluru.

Advertisement ad1

U General Secretary ka Unit u Emosjohn Syiemlieh hei klam yong oo ha ka yalang da klam u chaphang i eh i khoo wa ki Khasi kiwa puræ wa kiwa kreh chem ki hapoh Bengaluru wei kamjooh leh hapoh ka jylla Karnataka.

“I emkaam i ya ka Meghalaya House hapoh Bengaluru” ong u Emosjohn Syiemlieh. Da ong u leh wa ka KSU Bengaluru Unit em ko 3 tylli ki mat dawa kongsan ki tæ toh 1. U yatylli yow pynkhlan pynku ya ka puræ puthi ya ki khon Khasi. 2. U pynneh pynsah ya ka riti ka dustur yong ki Khasi. 3. Emkaam u em ka Meghalaya House ha Bengaluru neidaw wa ki jaitbru Khasi da boon ki katni ha Bengaluru. Kiwa boon hi toh kiwa wan puræ wei da em leh kiwa da kreh ha Bengaluru.

Deiwa em ka Meghalaya House daw wanrah ko yei suk mynsien ya kiwa ha yung ha sem yong ki khynnah puræ. Daw pynduna ko leh ya i chah lehbeiñ, chah chet kylla ha ki Hotel i chah thok ha ki bru wa thok wa chukor wa kiwi kiwi.

Ha kani ka sngi leh da rai wa ha kini ki bnai daw wan ku ki cha Meghalaya yow dawa yeiwa emkaam ki paradoh parasnaam khmatam wow booh noh ya ka Meghalaya House ha Bengaluru.

Share this:
Share on Facebook0Tweet about this on TwitterGoogle+0
Advertisement ad1