15 49.0138 8.38624 1 1 4000 1 http://wyrta.com 300 0

Emkaam wa ki baar jylla wa seiñ khih u wah ki ya ki Trading License yong ki ha ki dukan: AJYWO

0 Comments

Khliehriat: Ka All Jaiñtia Youth Welfare Organisation (AJYWO) East Jaiñtia Zone da kylli ko wa lada kiwa khayi ki baar jylla hapoh East Jaiñtia Hills District, em ki namo ym em ya ki Trading License wei lada em leh ki wym wah ya ki yow pynyoo paidbah hi ki thaw seiñ khih ki nadooh ki dukan dukdoh yong ki kamwa da rooid dak da ka JHADC.

“Katkam ka Rule No.9 yong ka Jaiñtia Hills Autonomous District (Trading by Non-Tribal) Rule 2015, da klam che ko wa ki baar jylla kiwa seiñ khih toh u wah u pynyoo ki ya ka Trading License yong ki ha ki thaw wa seiñ khih ki wei wow che leh ya ka tarik wow kut i krehkaam ka Trading License wei ka tarik wa hap ki wow pynthymme tangwa ym em yoo ya kiwon kiwon kiwa leh ya ini”, ong u President yong ka AJYWO, East Jaiñtia Zone, u Heatermoon Ryngkhlem.

Advertisement ad1

“Lada ki Winestore, ki Pharmacy wa kiwi kiwi ye ki wow pynyoo paidbah ya ki License yong ki ha ki dukan i leh won ya ki Trading License ymye u pynyoo paidbah ya ki lada ym em iyi iyi cha lyndet?” da kylli u Ryngkhlem.

Ka seiñ da dawa ko na ka JHADC hapoh i yahkhmat u Madonbai Rymbai kam u CEM, ym toh u yoh thiah ki wei wow chimkhia ki ya kani ka kaam wow pynkrehkaam pura ya ka aiñ kawa yatoh wa ka khayi ki seiñ khih ki baar jylla khlem wow mylliñ ya ka jaitbru.

Advertisement ad1
Advertisement ad1

0 Comments

Leave a Reply