15 49.0138 8.38624 1 1 4000 1 http://wyrta.com 300

Emkaam wow rep ym du wow dap u baam toh u rep hadooh wa ye u dai: Wailadmiki Shylla

0 Comments

Jowai: Ka Horticulture Exhibition Cum Kisan Mela 2018 kawa pynman da ka yungkrehkaam ka District Horticulture Officer deilang waka ATMA wa ka KVK ka West Jaiñtia Hills, Jowai ynne ka sngi ha Indoor Sports Hall Chutwakhu, Jowai da man ko kawa phooh wa phieñ heiwa ki warep, ki Self Help Group (SHG) da wanrah ki wow pynyoo rong kamjooh wow dai ya ki mar yong ki kiwa da dep song da dep chna pynmiat wei da em leh ka yakop pynyoo rong ya ki syntu wa ki jhoor.

Ka District Horticulture Officer ka West Jaiñtia Hills, ka BM Majaw da ong ko wa nachwa duna bha ki bru wa rep ya ki jhoor, ki syntu wa ki soh wei da kmen ko u yoo wa katni da sdang boon ki wei da ong wa ki yarap na ki sorkar ymtoh u kut hi-eh ki manda kut i yarap neibhah i yarap wa yoh toh wow yarap u seiñkhih ya ki warep.

Da pynkynmoo ko leh wa ynne ka sngi man ko kam chibynta ka World Honey Bee Day ka sngi wow pynkynmoo yei man kordor ki ngap kiwa pynmih symbe ya ki dieñ soh, ki jhoor wa kiwi kiwi wei i bær dawai ya ki jhoor ktah ko ya ki ngap kiwa riñ kylla yei bih wa em ha i dawai kamtæ da pynchlur ko wow pynemkaam da ki sboh wa e hi ka rymaw ym toh da ki dawai wa chna u bru.

U Chanki Shylla uwa ri ngap na ka chnong Iongnoh da khana u wa katni da em u 86 tylli ki ksiñ ngap wei ki ngap ki boonkaam ki u kreh neibynta yong oo hanlada oo em u cheiwon cheiwon wei i ri ngap leh phær i neidaw wym duk u e baam ya ki, emkaam u pynbiang ya ki syntu, ki dieñ wa phooh syntu wei i thang khloo wa i ah dieñ ktah bha ki ya ki ngap kiwa emkaam ya ki syntu yow pynmih umngap.

U kongsan ha kani ka sngi u Wailadmiki Shylla, MLA uwa man leh kam u Chairman of Meghalaya Commission on Resource Mobilization ka sorkar jylla da pynchlur u ya ki warep wow rep ki ym du wow dap u baam toh u rep hadooh wa ye u dai deiwa e nongmuna wa ha jylla Punjab wa Haryana ki warep man ki kiwa mahajon dooh katwa cha ki boon ki por man ki kiwa dooh.

Da ong u leh wa ka sorkar da chimkhia ko ya ini wow pynku ya ka nong wa yoh ki warep wei da pynchlur u leh ya ki warep wa emkaam ki leh wow kreh chitom wow pynmih ya ki mar rep wa bha hadooh waroh kawi ka pyrthai u kwah ki ki.

Maham ka AJSU ya kiwa ebuit ka seiñ wymhoi u p....

Previous

Da kyntu ya kiwa hayung u Akash Pradhan wow wa....

Next

0 Comments

Leave a Reply