Advertisement ad1

Jowai: Ka e sikai wa chi sngi neibynta ki dkhot ka District Environment Impact Assessment Authority (DEIAA) wa ka District Expert Environment Appraisal Committee (DEAC) hei yatoh wa ka “Online processing of Environment Clearance” da pynman ya ka ynne ka sngi ha GHM Guest House.

U R.S. Gill, IFS APCCF (SF&E) Meghlaya, Shillong, da ong u wa emkaam wow yoh bor katni kawa tip kam ka Environment Clearance chwa wow sdang ya kiwon kiwon ki karkhana, ki thaw sumaar wa kiwi kiwi yow lait u jæd u pra ka rymaw yow ye u pynneh slem yow yoh laad ka pateiñ wow wan leh u yoo u maad ya ka.

Advertisement ad1

Da ong u leh ha waroh kawi ka pyrthai katni ka rymaw toh kawa da chah ktah bha na ki kaam wa leh u bru kamtæ katni emkaam u pait sani bha ya ini waroh kamtæ ki kyndon aiñ emkaam u bood ya ki wei haap pyrkhat leh ya ka roi ka paar heijooh i por.

U W. Kharkrang, EE, MSPCB (Meghalaya State Pollution Control Board) wa u M.J. Sangma da batai ki chaphang ki aiñ hei yatoh wow yoh ya ka Environmental Clearance, ki kyndon aiñ, ki kot ki sla wa emkaam u pynbiang ki wei i thmu hi wa kongsan dooh toh wow yada ya rymaw.

Neiliang R.Rapthap, IAS, Deputy Commissioner ka West Jaiñtia Hills District da ong u wa katni wa da pynkrehkaam ya kiwa boon ki aiñ hei yatoh ka tih mar pohkhyndaw neiliang ki dkhot ka DEIAA wa ka DEAC emkaam ki u sñiawthooh wa kammon u e ya ki Clearance kamjooh wow kyntait wei khamtam ha ka juk Computer kawa da leh Online aw jan waroh ki kaam, kani ka e sikai toh kawa emkaam bha khamtam wa ki kaam wa ktah ya ka Rymaw.

Share this:
Share on Facebook0Tweet about this on TwitterGoogle+0
Advertisement ad1