15 49.0138 8.38624 1 1 4000 1 http://wyrta.com 300

Emkaam yarap poisa ki san ngut na ka jylla wow lai yakhun Kickboxing cha Russia

0 Comments
Advertisement ad1

Jowai: Ki san ngut ki dkhot ka Meghalaya State Kickboxing Association (MSKA) kiwa chah jied wow lai chimbynta cha ka “IX World Cup Diamond Kickboxing-WAKO 2018” kawa pynman ha Anapa Russia nadooh ka 30-05-18 hadooh ka 04-06-18 da kyrpaad ki cha waroh wow e kyllooid ya ka poisa yow ye ki u lai chimbynta cha kani ka World Cup.

Kini ki san ngut kynthup ki ya ka Monica Nongrum ka wa na Umsaw Nongkharai, Ri-Bhoi District, u Hame Shaniah Suiam na Shapung, West Jaiñtia Hills, u Pynnehbor Mylliemngap na Smit Mawmluh, East Khasi Hills, u Elbring Umbah na Mawtari Raid Thaiang Ri-Bhoi wa u Babit Kharsohnoh uwa na Smit Mawmluh, East Khasi Hills.

Advertisement ad1
Advertisement ad1

Ka seiñ MSKA toh kawa seiñ ha u Naiynniaw 2017 wei du hapoh kani ka chi snem da ye ki dkhot yong ka wow jop 16 tylli ki takma ksiar, 7 tylli ki takma rupa wa 16 tylli ki takma tama.

Da em leh ki dkhot yong ka kiwa da lai ya chimbynta cha ki yakop wa pynman cha baar ri kam u Hame Shaniah Suiam wei u Pynnehbor Mylliemngap toh uwa da yoh takma ksiar (Asian Gold Medalist) ha ka ri Turkmenistan.

Kamtæ yow yohlaad kini ki san ngut wow pynyoo yei sap yong ki ha ka rynsan wa heh dooh kani ka yalehke da emkaam ki T. 8,30,000 kawa kynthup ya ka bai lai bai wan, bai baam wa waroh kiwa emkaam ki wow yoh u chimbynta ha kani ka lympung.

Ya kini ki san ngut da jied da ka WAKO India Kickboxing Federation wow lai ki cha Russia heiwa ya ka “IX World Cup Kickboxing-WAKO 2018” da pynman da ka sorkar Russia hapoh i pait ka World Association of Kickboxing (WAKO IF), ki dkhot ka GAISF, IWGA, AIMS, WADA, FISU, OCA, Fairplay wa da tipmit da ka International Olympic Committee.

Kiwa kwah u yarap ya kini ki san ngut ye ki u phone ha kini ki number:

8258848027, 9862261651.

Pynjæd pynpra ka lær yong ya kiwa boon ki yung....

Previous

Pynman ka NH-51 Rebels ya ka yachemlang kiwa y....

Next

0 Comments

Leave a Reply