15 49.0138 8.38624 1 1 4000 1 http://wyrta.com 300

Esikai ka ICAR ya ki warep tit ka riloom Jaiñtia kawa chimpor du 15 sngi u pynkhreh

0 Comments
Advertisement ad1
Advertisement ad1

Jowai: Ka ICAR Research Complex for NEH Region, Umiam, Meghalaya da pynman ki ya ka “Short method of composting for button mushroom cultivation” ynnin ka 12 tarik neibynta ki warep wa em 48 ngut kiwa wan na East wa West Jaiñtia Hills District.

U Coordinator u Dr. Pankaj Baiswar da pynsñiaw u yei sñiawkmen wa pynyoo kiwa wan chimbytna yei thrang yong ki wow rep tit wei da ong u leh wow pynkhreh ya i sboh deiwa pynemkaam da ka “Short Method of Composting” neibhah ym ktah ya ka rymaw wei chimpor ko du 15 sngi donhi wow pynkhreh lada wyrchaw wa ka “Long method of composting” kawa chimpor chi bnai.

Advertisement ad1
Advertisement ad1
Advertisement ad1

Kiwa chimbynta da pynsñiawthooh ya ki yei myntoi deiwa pynemkaam da i sboh wa 15 sngi wei da pynyoo ya ki leh ya ki tiar ki tar wa emkaam ki heipor wa rep tit wei kamjooh wow chna sboh.

Neiliang u Director, ICAR Research Complex for NEH Region, Umiam, Meghalaya u Dr. N. Prakash da yaroh u ya kiwa wan chimbynta chongchit ha kani ka esikai wa chi sngi.

U Head of the Division, u Dr. GT Behere da pynchlur u ya ki warep wow bood ki ya ini i rukom rep tit kiwa tip kam ki “Button Mushroom” kiwa lai yaaw bha ha waroh kawi ka pyrthai.

U Dr. H. Rymbai da pynchlur u ya ki warep wow rahktien ya kani ka rukom rep tit cha ki chnong ki thaw yong ki yow boon ki bru ki wow pynbood ya kani ka rukom rep.

Pynwandur wa khih u khmi uwa 8.5 ha Civil Hosp....

Previous

Chah khyndang ka yungmane ka balang Presbyteri....

Next

0 Comments

Leave a Reply