15 49.0138 8.38624 1 1 4000 1 http://wyrta.com 300 0

Ha ka sngi wa ar ka Winter Festival daw wan tem ki Eclipse wa kiwi kiwi

0 Comments
Advertisement ad1
Advertisement ad1

Jowai: Ha ka Winter Festival 2018 wow pynman ha kani ka 28 wa 29 tarik uni u bnai da ka Yaman Creations ha ka sngi wa ar daw em kiwa tem wa put wa ha rukom ki wow pynwyrngai ya kiwa ka-it ya ki jait sur nadooh kiwa dang khynroo wa kiwa da heh wei ki jait sur daw em ki Heavy Metal, Blues, Country, kiwa rwai sur Khasi, ki rwai Pnar wa ki DJ.

Kiwi na kiwa rap pawnaam toh ka Eclipse kawa na Guwahati kawa da seiñ ha u snem 2004 ha Guwahati Assam kawa kattu da lai luti ko la 14 snem tam kiwa tem sur Classic Rock hadooh Heavy Metal.

Advertisement ad1

Uwa rwai da tip pyrtuid kam u Kundal Goswami uwa da yoh mynsien nei rukom rwai u Bruce Dickinson, Joe Lyn Turner, Joey Tempest, Eric Martin wa kiwi kiwi.

Uwa tem Guitar da tip kam u Sumon Saikai uwa tem ya ka Guitar wa em 7 kse uwa ka-it ya ki jait sur Progressive Rock wa Metal wei ya u John Petrucci uwa tem Guitar ka Dream Theatre da choh biej u yei rukom tem Guitar u.

U Rahul Kaushik won toh uwa tem Bass uwa da ong wa u Cilly Sheenan, Geddy Lee, Steve Harris toh kiwa bood u yei rukom tem tangwa na kini da mih ki yong oo hi ki jait tem wei man u leh kam uwi na kiwa thoh sur kani ka dhab tem.

Ha ka Keyboard won da em u Chinmoy uwa ngaitnood ya ki sur ki Deep Purple, Rainbow, Van Halen wa kiwi.

Uwa tem Drums won toh u Joy uwa sdang nadooh wa em u 5 snem i rta uwa da yoh yei naam Best Drummer ha ki 11 tylli ki yakob.

Daw em leh kiwa tem sur Country kiwa ye u man du kamki donhi hapoh ka jylla kiwa tip kam ki Strait Brothers kiwa na Shillong kiwa da seiñ nadooh u snem 2008 kiwa tem ya ki jait sur wa ha rukom da ki jait rwai Country.

Na Jowai won kiwa tem sur Blues kiwa tip kam ki Quiet Storm kiwa da seiñ ha u Niakhynde (Sep) 2018 wa emlang leh uwa tem Blues Guitarist wa pawnaam ka chnong Jowai kam uwa sdang ya kani ka dhab tem u Starly Shullai, u Dami uwa tem Bass uwa man leh kam uwa rwai, u Iaridly uwa tem Guitar wa uwa rwai leh wa u Maximillian uwa tem Drum wa uwa rwai leh kamjooh.

Ki Quite Storm da ong ki wa da yoh mynsien ki u tem Blues na u BB King, Eric Clapton, Stevie Vaughan, Buddy Guy, John Mayer, Johnny Lang, Koko Taylor, Coco Montaya, Frank Zappa, John Scofield, Roy Buchanan, Albert Collin, Bernard Allison, Allman Brothers wa kiwi kiwi.

Na ri-loom Garo won daw em ki Black Jack na Tura kiwa da seiñ nadooh u snem 2015 kiwa tem jait sur Hard Rock.

Ki Black Jack da pawnaam ki kam kiwi na kiwa tem sur kiwa ye u pyn chongchit paaidbah da ki sur wa tem ki wa ka-it ki paidbah wei da tem ki ha kiwa boon ki thaw hapoh ka jylla.

Kiwi de kiwa daw em bynta ha ka sngi wa ar toh ki Bedrock Hooligans kiwa na Jowai kiwa da sdang tem nadooh u snem 2017, ki tem ya ki jait sur Indie Rock, Classic Rock, Funk wa Punk kiwa ym em mylliñ leh ya ki rwai Pnar.

Ki dkhot ka Bedrock Hooligan toh u Dakeri Synkon kam u Lead Guitarist, Omewa Sumer kam uwa rwai,   u Lammiki Passah kam u Drummer wa u Richard kam uwa tem Bass.

Kiwi de ki wow pynchongchit ha kani ka sngi toh ki Voices Nala Rympei, u Chevy Khonglah wa DJ ADL X Khonglah.

Black Jack

Quiet Storm

Chevy Khonglah

Nala Rympei

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply