15 49.0138 8.38624 1 1 4000 1 http://wyrta.com 300

Hadien chi bnai kem biang ki pulit ya uwa dai drugs uwa yut na thanat Jowai PS

0 Comments

Jowai: U SP ka West Jaiñtia Hills u Vivek Syiem da pyntip u wa ka Anti-Narcotics Task Force (ANTF) ka WJH ha ka 13 tarik u Wisu (April) da kem ki ya uwi u bru wa dai drugs na ka chnong Namdong wei ya uni u bru da tip pyrtuid kam u Bringo Lyngdoh (37 snem) uwa na Khliehriat wei heipor wa kem ya oo da chem leh 3 Gram i drug Heroin na oo.

Ya u Bringo da rah ya oo cha Jowai Police Station yow kset ya oo tangwa hei pyrdi synyaw da yoh u yut neidaw wa ym em biang bha u tala i thaw wa kset wa toh heitu i por dang chna pynmiat ya ki thaw kset bru kamjooh leh ya ka Police Station waroh kawi.

Ynnin ka miet ka Special Cell ka West Jaiñtia Hills da kem ki oo na iwi i yung wa em ha Kathakal Hailakandi Assam wei da rah biang ya oo cha Jowai wei daw rah ya oo hakhmat ka yungbichaar ynne ka sngi.

 

Advertisement ad1

Dei Garo wei Hajong yalap Election u MLA Khasi....

Previous

Kular u MDC ka Musniang-Rngad u Phasmon Dkhar ....

Next

0 Comments

Leave a Reply