Advertisement ad1

Jowai : Ka dorbar chnong Panaliar ynne ka sngi 10 tarik da hiar ki dei yong chnong yow pynkhooid ya ka rood ka wah Myntdu wa ki luti syngkieñ wa dap da ki klong kyiad, ki klong plastik, ki yusong chips wa ki wa boon ki jhep wa sah nei lai baamdoh ki bru.

Advertisement ad1

panaliar-pynkhooid3

Ya ini i pynkhooid da sdang nadooh u mot u Woh Kiang Nangbah hadooh wa poi ka yingkieñ thymme hei emlang ki khynroo khyllood wa ki waheh chnong kamjooh ki khynnah ka Panaliar.

Ki saroo wa ki churia ha kti wa ki dkhot ka dorbar da yaleh katwa ye u pynkhooid ya ini i thaw iwa da tngit bha.

panaliar-pynkhooid2

Hei yaklam wa u C. Phawa, Secretary Dorbar Chnong Panaliar da ong u wa dang thooh laad wa kammon u pynduna næ u pyndooh ya ini i leh khlem akor ki paidbah wa wan lehsñiawbha cha kani ka thaw.

Da ong u wa ka Panaliar nachwa hei por yong u ma P.S. Dkhar da dep panbor ko yow khrong poisa bai psiah cha Treriat kam wow pynmih poisa yow yoh u su ya ki bru wow pynkhooid ya kiwa tam wa noh ki paidbah hadien wa wan ke ki cha kani ka thaw. Tangwa katni kani ka thmu ka Panaliar ym pu yoh ki u pynmankaam ya ka.

panaliar-pynkhooid1

Da ong u wa “Neilaing ka Panaliar ki dkhot ym ye ki u pynkhooid man ka sngi khamtam lada ki paidbah leh ym man ki kiwa chimkhia u pyllang chithaw donhi ya ki klong ki plastik wa kiwi kiwi ki wa dep pynemkaam ki namo u kit tæ noh ya ki cha ki thaw noh jhep. Kamtæ lada ye u su dei dor ya ki kattu katni njut ki bru wow pynkhooid ya kani ka thaw boi ye u pyndunna ya i tngit kani ka thaw”.

Da kyntu leh ya ki paidbah wa wan na kylleiñ ki thaw wa yow sniawbha u man ki wa kitkhleih yeiwa leh ki ha ini i thaw yow ye u pynneh naam wa toh ini thaw man skahiat i iwi na i thaw lai baamdoh (picnic) wa miat dooh hapoh ka jylla.

panaliar-pynkhooid6

Hadien wa dep pynkhooid

panaliar-pynkhooid5

Hadien wa dep pynkhooid.

Share this:
Share on Facebook0Tweet about this on TwitterGoogle+0
Advertisement ad1