Advertisement ad1

Jowai: Ha ka 25 tarik uni u bnai da mih i awri awra ha ka 7th Mile Weighbridge wa em ha Ynñiawmer heiwa uwi uwa yah truck da pynbaad u wa chah dat u ha kiwa kreh kani ka Weighbridge.

Katkam ka ujor uni uwa yah truck 12 chaka wa em ya u number PB-06N-2146 kawa wan na Lumchnong uwa tip pyrtuid kam u Satnam Singh da ong u wa da em uwi u bru wa sap sula pulit (camouflage) uwa da phah psiah u ya oo cha kani ka Weighbridge wei hadien ini kiwa kreh kani ka thaw da paan ki T. 200 na oo tangwa oo da kyntait u wow su wei da su u du T. 100 tangwa uni uwa kreh da paan bait u T. 200 wei hadien ini won da su u T. 200 yow lait u mih i khajia.

Advertisement ad1

Heipor wa psiah biang u cha ka Truck uni u wa kreh ka Weighbridge da wan u na dien wei da kujai u oo hadooh wa oor u.

Neiliang kiwa kreh ka Weighbridge u Manager yong ka u Wanchame Laloo da ujor FIR kylla u ya uni uwa yah Truck deiwa ong wa uni u bru da kyntait u wow su yei bai thaw khia wei hadien wa su T. 100 leh da pakhot u ya ka poisa ha madan wei da yut u na ini i thaw. Ha ini i por kiwa kreh da pyrchang ki u ksoh ya oo heiwa da mih i kajia heiwa uni uwa yah truck da khujai u ya kiwa kreh kani ka Weighbridge wei hadien ini da pynyieñ u ka ka truck u hapyrdi sarok hadooh wa da sah kut ki kari.

Neiliang u Laloo leh da pyntip u wa uni uwa yah Truck da kylli u yei yi i daw wa kiwi ki truck ym em psiah ki ha kani ka Weighbridge wei da jubab yo oo deiwa ong wa chong ha kiwa psiah ha kani ka Weighbridge tangwa yei bai thaw khia haap su hi u tangwa uni uwa yah truck ym ngait u yeini kamtæ da mih i awri awra.

Share this:
Share on Facebook0Tweet about this on TwitterGoogle+0
Advertisement ad1
Advertisement ad1