15 49.0138 8.38624 1 0 4000 1 https://wyrta.com 300 0

Hadooh 158 tylli ki Case Register ki pulit ha uni u snem ha WJH: Lakador Syiem

0 Comments

Jowai: ki pulit ka West Jaiñtia Hills ynne da pynman ki ya ka Annual Crime Conference ha Conference Hall ka yung krehkaam u SP ka District heiwa da em waroh ki heh pulit ha kani ka yalang kiwa kynthup nadooh u SP ka District, u Lakador Syiem, ki DSP, ki OC wa ki Sub Inspector.

Kani ka yalang da pynman kam chibynta wow phyllu yumut wei wow pachat yeiwa chem ki ha ki khih ki kreh wa ki takit wa pynman ki hajrong ki kaam pyrchah aiñ waphær waphær.

U Lakador hawa yaklam wa kiwa pathai khubor hadien kani ka yalang da ong u wa hapoh District hadooh wa kut u 2018 da em 239 tylli ki mukotduma (case) wa dang sah (pending), nadooh wa sdang uni u snem hadooh ka 30 Naiynru da register 192 tylli ki case wei da ye wow pynkut (disposed off) nadooh wa sdang u snem em ki 158 tylli wei waroh kattu kiwa dang sahteiñ (Pending) man ki 283 tylli.

Kini ki mukotduma kiwa da register kynthup ki nadooh i tynyap bru, i thmu wow tynyap, i slaitbor, i tooh, i lute wa kiwi kiwi.

0 Comments

Leave a Reply