15 49.0138 8.38624 1 1 4000 1 http://wyrta.com 300 0

Hadooh 4092 ngut ki khynnah wa yoh ya ki Tablet na ki 48 skur ha uni u snem

0 Comments

Tura: U montri rangbah ka jylla, u Conrad K Sangma ynne ka sngi da saam u ya ki Tablet neibynta ki khynnah Class XII ha ka yalang wa pynman ha Tura Government College Auditorium, Tura hei emlang u Co-Chairman, Meghalaya State Planning Board, u Billykid A Sangma, Deputy Commissioner, West Garo Hills, u Ram Singh; Sub-Divisional Officer, Dadenggre Civil Sub-Division, u Swapnil Tembe; Extra Assistant Commissioner, West Garo Hills, u Dimse A Sangma; Principal, Tura Government College, u Terence D Marak, wa kiwi kiwi.

U Conrad hawa e yei klam da kyntu u ya waroh wow leh yeiwa emkaam neibynta ki khynroo khyllood neibhah du ki donhi wa ye wow wanrah yei kylla, deiwa ong leh wa i por man i iwa kongsan tam neibhah chisien da dooh yei por ymye hi de wow pynkhai biang yeitæ.

Da ong u leh wa dei langær jooh kyntu u ya ki para montri wa ki para MLA wow kreh neibynta ki paidbah wa ka mynried ka yong ki wei wow kreh khnang wow man ki kam ka nongmuna ya kiwi wow bood ki wow pynman ya ka jylla kawa roi.

Heijooh i por da kyntu u ya ki khynnah wow pynemkaam hok ya kini ki Tablet khnang wow ye hok ki wow yoh myntoi na i puræ puthi wei wow man ki kiwa em i akor salon ha i rukom im wa man ka sngi.

Kam wow pyntip heini ya kini ki Tablet da saam hapoh ka “Digital Learning Aid Scheme” neibynta u snem 2018-19 wei hadooh kamwa 4092 ngut ki khynnah na ki 48 skur kiwa yoh ya kini ki Tablet ha uni u snem.

 

Share this...
Share on Facebook
Facebook
Tweet about this on Twitter
Twitter
Advertisement ad1
Advertisement ad1
Previous
Next

0 Comments

Leave a Reply