15 49.0138 8.38624 1 1 4000 1 http://wyrta.com 300

Hadooh T. 5 lak u pynkhle ka Dorbar Chnong Rymbai ha ka Fete yong uni u snem

0 Comments
Advertisement ad1
Advertisement ad1

Jowai: Ka Dorbar Chnong Rymbai daw pynman ko ya ka Fete yong ka ha ka 27-28 u Kmaichonglad (Dec) 2018 neibynta wow pynmih poisa neibynta ki kaam wa boon ka chnong.

Kamtæ da pynlait paidbah ya ki Ticket Lucky Draw yong ka ynnin ka sngi da u DC ka EJH u FM Dopth kam u kongsan heiwa ka 1st Prize man ko T. 3,00,000; 2nd Prize T. 1,50,000; 3rd Prize T. 50,000.

Advertisement ad1
Advertisement ad1
Advertisement ad1

Hei klam lamphrang u Mover Lyngdoh kam u Secretary ka Fete Organizing Secretary da pynsñiaw u ya ki chiboon wa emkaam hapoh ka chnong ka thaw kam ka Community Hall, ka yungkrehkaam ka chnong, wow pynku ya ki kaam yalehke (Sports), u booh ya ki Street Light wa kiwi kiwi. Da ong u wa na ki Scheme sorkar wa da yoh ymye u pynbiang yeiwa emkaam ka chnong waroh, kamtæ da kyntu u ya ki khon ka chnong wa ki lok ki jor wow thied ya kini ki Ticket Lucky Draw wei wow kyrchaan lang yow man i kyrkhu ya ka chnong yong.

Hawa klam u kongsan da e mynsien u ya ka chnong deiwa ong wa ka chnong Rymbai man ko kawi na ki ki chnong kawa heh tam ka District kawa em du kawi ka thong kawa ong “Chitrep Chiskum” lada ha ki kaam chnong næ ki kaam Balang wei kham niar wow em kam ka chnong Rymbai hapoh ka Ri Khasi Ri Jaiñtia.

Da ong u leh hawa em u ha ka chnong Rymbai sñiaw u kamwa em ha ka chnong yong oo hi wei da pteiñ u deiwa ong lada ki 5000 kiwa chong chnong thied ki mar ka wi ka thup (book) na ki Lucky Draw Ticket daw man ko ka myntoi wa khroo ya ka chnong i wow pynyoo leh yei yatylli ka chnong wow man ko kam ka nongmuna ya kiwi.

Ha kani ka sngi da em leh u Sylvester Nongtnger, SP ka EJHD, u S Marwein BDO ka Khliehriat, u Elios Swer u Dolloi ka Elaka Rymbai, u Blasused Rymbai Secretary ka chnong Rymbai wa kiwi kiwi.

Chah ban le tylli ki kari neidaw wa oor i chra....

Previous

Pynman ka MESA ya ka yachemlang ki Engineer ha....

Next

0 Comments

Leave a Reply