15 49.0138 8.38624 1 1 4000 1 http://wyrta.com 300

Hadooh T. 50,000 kular u Lahkmen u e yarap ya ka Seiñraij Umladkhur & Mupyut wow pynman Chaad Sukra

0 Comments
Advertisement ad1

Amlarem: Ka Chaad Sukra kawa jooh pynman chisien chi snem da ka Seinkyntu Sienraij Umladkhur da man ko kawa chongchit heiwa da wan chimbynta da ki khynnah, ki khynroo khyllood, ki waheh wa kiwi kiwi.

Ha kani ka Chaad Sukra da wan sakhi da u montri ka tnat puræ puthi u Lahkmen Rymbui kam u kongsan hei emlang u Dolloi ka Elaka Jowai u Puramon Kynjing, ki dkhot ka Seiñkyntu Niamtre 12 Dolloi, ki waheh na ka thaiñ War Jaiñtia wa ki paidbah na ki chnong kiwa marjan.

Advertisement ad1
Advertisement ad1

Ya kani ka Chaad Sukra da pynman chwa wow hiar rep cha ki hali ki pynthor neibynta wow yoh i kyrkhu na ka rymaw.

U Lahkmen haawa klam kam u kongsan da kitbok kit rwiang u ya ka Sieñraij Umladkhur neibynta wow ye ko wow e i chakri cha ki paidbah wa ka imlang sahlang wei wow ksohkti lang ki wow im suk im saiñ, wei kam u montri ka tnat khloo leh da kyntu u leh wa lada kam ki bru sumaar hok ki ya ki khloo ki um ki wah u man ko ka spah ya ki bru.

U Rymbui da kular leh ya ka Seiñraij Umladkhur wa Mupyut wa neini chakhmat nadooh u snem 2019 u e yarap u T. 50,000 heiyatoh wa i pynman ya ka Chaad Sukra.

 

E dorkhat ka KSU-Bangalore ha u Conrad wow daw....

Previous

Pynskem ka JNC ya kiwa kitkaam ka West Jaiñtia....

Next

0 Comments

Leave a Reply