Advertisement ad1

Jowai: Ynne i janmiet em i jia wa sniawsih hawa ka wi ka kari Maruti Alto wa em u nomber ML 04 A  9087 da hap ko chapoh riat ha Khangmujot heithaw wa em ka yingkeiñ kawa mih cha Dulong-Pohhali. Ini i hap da jia i heipor kamwa yndru duna jenmiet ha u sarok cha dien iong ka Thomas Jones College u wa tip i kam u Dulong College Road.

Hapoh kani ka kari da em le ngut ki bru. Arngut ki kynthai wa uwi u Chynrang wa iah ia kani ka kari u P. Suchiang u wa kreh pulit, ka Eladmi Siangshai 22 snem wa ka Suka Suchiang 27 snem, i daw wa hap kani ka kari ympu ye u tip neibhah ki bru wa em ha katai ka kari da wiar iong bru ki, wei ym ye de ki u klam.

Advertisement ad1

Ia kini kiwa mynsoo da rap ia ki da ki bru wa lai luti na katai ka thaw wei da kit ia ki cha Dr. Norman Tunnel Hospital, Jowai. Ha ka sngi wa bood, ia u nongiah kari da pynkit ia Oo cha Woodland Hospital, Shillong wa ia kawi da kit cha NEIGIRIMHS, Hospital Shillong neidaw wa da joor i mynsoo ki.

Ki police mar sien ioh jingtip ia ini i jia da lai ki wut wut cha ini i thaw wa hap kari.

Share this:
Share on Facebook0Tweet about this on TwitterGoogle+0
Advertisement ad1