15 49.0138 8.38624 1 1 4000 1 http://wyrta.com 300

Hapoh le bnai e por ka HC ya ka sorkar wow su ya ka tulop kiwa kreh ka Jowai Municipal Board

0 Comments
Advertisement ad1
Advertisement ad1

Shillong: Ka mukotduma wa yaleh da kiwa kreh ka Jowai Municipal Board (JMB) nadooh u snem 2016 ha ka yungbichaar High Court of Meghalaya wow paan yei hok yong ki yow yoh tulop ki kamjooh ki Arrear wa dang sah, ka yungbichaar da phah ko ya ka sorkar jylla wow pynlait noh ya waroh ka tulop kamjooh ka Arrear cha kiwa kreh ka Board.

Ha ka mukotduma kiwa kreh ka JMB da ong ki wa ya ki da pynman kam kiwa kreh ka sorkar jylla nadooh wa em i sñiawthooh hapyrdi ka sorkar jylla waka JHADC heiwa nachwa da kreh ki hapoh ka Jowai Town Committee wei da pynkylla noh ya ka cha ka Jowai Municipality wei u yoh ki ki myntoi nadooh ka 3rd Meghalaya Pay Commission wei da chah pyndooh ki yei hok yong ki deiwa ym embynta ki ha ka 4th Meghalaya Pay Commission nadooh u Kmaichonglaad (Dec) 2017 wei nadooh u Naikhynde (Sep) 2015 hadooh katni hadien wa da yaklam boonsien ym em wa ap yeiwa dawa ki iwa da wanrah yei chitom wa khroo ya kiwa kreh ka JMB.

Advertisement ad1
Advertisement ad1
Advertisement ad1

Kamtæ ka yungbichaar wa chong bichaar da u Justice SR Sen ynnin ka sngi da e hukum u wa neidaw wa kiwa kreh ka JMB ym em yoh tista ki ya ka tulop yong ki nadooh ka 01-01-2007 hadooh ka 31-12- 2012 kamjooh ka Arrear katkam ki kyndon ka 4th Pay Scale Commission wa kamjooh ka tulop wa sah nadooh Naiynru (June) 2018 hadooh u Naikhynde (September) 2018 kawa katkam ka mukotduma da poi ka Arrear T. 97,71,640.00 wa ka tulop wa poi T. 39,02,438 wei waroh da poi T. 1,36,74,078 ym em man ko kawa eh ya ka sorkar wow su wei ya ini toh u leh hapoh 3 bnai.

U pdiang noh ka KNGC ya ka Online Payment neib....

Previous

Mih ka seiñ SSCF wow pait yei bha i miat kiwa ....

Next

0 Comments

Leave a Reply