15 49.0138 8.38624 1 1 4000 1 http://wyrta.com 300

I dih dawai khlem tip ki Doctor man i iwa sih wei ktah i ya i doh i pran ki bru

0 Comments
Advertisement ad1

Shillong: Neidaw wa ku ki kaam wa man pyrchah ya ki kynthai wa ki khynnah da pynman ya ka Seminar kawa chi sngi hajrong ka phang “Drug Abuse and Social Evils” ha Burney Hills Secondary School, Tura heiwa u JD Sangma, Director School Education and Literacy warim ka jylla da man u kam u kongsan. Ya kani ka Seminar da pynman da ka Tura Garo Senior Citizen Forum (TGSCF), West Garo Hills Tura.

U JD Sangma hawa e i klam da ngam yillu u hajrong i emkaam wow sikai ya ki khynroo chaphang i ktah nei pynemkaam drugs wa i kiad iwa man iwi na ki kaam wa ktah bha ya ka imlang sahlang katni. Da kyntu u ya waroh ki khynnah wow yait wow kiar ki na kini kiwa ye u ktah ya ka mynried yong ki.

Advertisement ad1
Advertisement ad1

Ha ka Technical Session, ka Dr. Bethel D Marak, Medical Officer, Tura Civil Hospital, Tura da batai ko ya ki bynta yong i ktah na i dih kiad dih drugs, deiwa pyntip leh wa i dih dawai khlem tip ki Doctor man i iwa sih bha wei ktah i ya i doh i pran u bru kamwa ktah i drugs. Da batai ko leh wa kammon i drugs ktah i ya i doh i pran ki bru heiwa da batai ko leh ya ki laad yarap wa ye u sumaar ya kiwa ngat ha kani ka kaam.

Heijooh i por da batai ko yei ktah nei pynemkaam ware ya ka Internet, Mobile Phone, Mobile Games, Facebook, WhatsApp, Television, wa kiwi kiwi. Da kyntu ko leh ya ki manbei manpa wa kiwa sikai wow pait bniah ya ki khynnah khnang wow ye u pynyait ya ki na ki drugs wa kiwi kiwi.

Neiliang u muktiar, u R R Marak da batai bniah u hajrong ka phang “Social Evils” heiwa da ong u wa ki kaam sih wa man pyrchah ya ka aiñ toh na ki daw yong ki i hi ki bru hapoh ka imlang sahlang. Da ong u wa hanlada ki jaitbru hapoh ka jylla toh kiwa e kur cha ki kynthai ki kaam wa pyrchah ya ki kynthai ku ki kat dang mih ki sngi wei ki bru artatien ki wow ujor ya kam kini.

Chwa ini neiliang ka Vice-President, TGSCF kawa jooh man leh kam Director, Department of Fisheries, C T Sangma da pynsñiaw u ya ka thong yong kani ka Seminar.

Chwa ini u Bitson M Marak, Cultural Organising Secretary, TGSCF da e u ki kyntien ngoohblai katwa u WG Momin, President, TGSCF da e u ki kyntien pdiang burom wa u GC Momin, Secretary, TGSCF da e u ki kyntien e khublei.

Da pyllait ya ka kari Mobile Food Testing Labo....

Previous

Pynthymme ka FKJGP-KC ya kiwa kitkaam yong ka

Next

0 Comments

Leave a Reply