15 49.0138 8.38624 1 1 4000 1 http://wyrta.com 300 0
Advertisement ad1

I rukom pynlai kari ha Jowai mynstep ka sngi thap Vote

0 Comments

Jowai: U SP ka West Jaiñtia Hills da pynbna u ya ka rukom pynlai kari mynstep ka 11 tarik kawa man leh ka sngi thap Vote ya ka Election MP cha ka Lok Sabha. Ini i pynlai kari u krehkam i nadooh 3 waje i janmiet ha Jowai.

Wah Nangbah Junction (No Entry): Waroh ki kari wa wan na New Hill Point wa na Wah Nangbah ym chah u dong ki cha liang DC Point lait noh ki kari ki Election Official, ki Polling Party wa ki kari wa kit EVM ye ki wow lai cha Nangbah Stand.

HK Singh School Junction (No Entry):  Ki kari wa wan na Chutwakhu wa na Mission Compound  ym chah u wan ki cha DC Office wei hap ki u lai na Jrisaleiñ, Mynthong hadooh ha Stand War, lait noh ki kari ki Polling Party wa kiwa kit EVM wa ye u psiah na kani ka sarok.

DC Office Bypass Junction (No Entry): Waroh ki kari wa wan neiliang ka Stand War hap ki wow lai naka sarok wa lai nadien ka yung krehkaam u DC  yow mih ki ha laad Wah Nangbah.

Seiñ Raij Parking Lot (No Entry): Ym chah ya ki kari wow psiah cha Iawmusiang lyngba kani ka laad lait noh ki Polling Party wa ki kari wa kit EVM.

Thomas Jones Junction (No Entry): Ki kari wa pynyait ha Thomas Jones Junction hap ki wow lai chei liang pohchnong.

Nangbah Stand: Du ki kari ki Polling Party kiwa wan neiliang ka New Hill Point u chah u pynyeiñ kari ki ha Stand Nangbah tangwa hap ki u mih noh hadien wa da pynhiar ya ka kor EVM wei u lai pynyeiñ kari cha Ummulong Stand, Dawki Stand wa ha madan Jrisaleiñ.

Dawki Road: Du ki kari ki Polling Party wa wan na sarok Dawki u chah u pynyeiñ ki ha u sarok wow lai cha JHADC tangwa hap ki wow mih noh hadien wa da dep pynhiar ya ka kor EVM wei ye ki u lai pynyeiñ kari cha Ummulong Stand, Dawki Stand wa ha madan Jrisaleiñ.

Waroh ki kari ki pulit, Civil Zonal wa Sector Officer u chah u lai lyngba ki na Wah Nangbah Junction hadooh DC Junction tangwa ym chah ya ki wow pynyeiñ kari nadooh DC Point hadooh ka laad wow lai cha yung krehkaam u SP wei yow lait na i khynnia kari ye ki wow booh kari ha Stand War, Ummulong Stand wa ha madan Jrisaleiñ.

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply