Advertisement ad1

Shillong : Da pynman ya i sikai rep tit wa i rukom pynmih symbe ha ICAR Research Complex for NEH Region, Umiam Ri Bjoi District  hapoh ka Tribal Sub Plan wa ka All India Coordinated Research Project-Mushroom nadooh 29 Naichiphaw  hadooh 2 Khonchonglad 2015. Da wan yachim bynta hadooh kamwa 11 ngut weiwa 9 ngut na ki da wan ki na ka chnong  Mawphrew, Umsaw Khawan, wana ka chnong Wahlang kiwa da chah jied ha ka prokram ‘Mera Gaon, Mera Gaurav’.

Ha kani ka e sikai, da sikai kammon u thung wei wow pynmih symbe kam yow tit Oyster, Button, Shiitake, Paddy Straw wa u Milky Mushroom ha ka rukom kawa ye u rep hei lut iwa khian.

Advertisement ad1

Da sam leh cha kiwa chah hikai ya ki symbe tit, ki tiar kiwa pynemkaam heiwa yatoh wa i rep tit kamjooh leh wow pynmih symbe. Ki nongrep da ong ki wa daw wan chooh chooh ki cha kam ki, wei wa u sdang ki leh wow pynyar ya i thung tit hadien wa da yoh ki ya i hikai kiwa katkam ka juk wa katni. Ya kani ka prokram da pynlai da u Course Chairman, u Dr. SV Ngachan; u Course Director, Dr. Pankaj Baiswar, u Course Coordinator wa ki dkhot ka ‘Mera Gaon, Mera Gaurav’, u Dr. S Hazarika, u Dr. Arvind Kumar, u Dr. H. Rymbai wa ka Dr. Meena Das.

Chooh daw pynman biang ya  kam kani ka e sikai weiwa na i liang yong u Wyrta daw pyntip biang i cha phi ya ini.

Share this:
Share on Facebook0Tweet about this on TwitterGoogle+0
Advertisement ad1