Advertisement ad1

Thangthring: Ka chnong Thangthring man ko kawi na ki chnong wa ye u pynkreh hok ia ki skhim sorkar. Dang kini ki por wa dadep da ioh ki ia ka madan bol thymme, ka surok psiang hapoh chnong, ki nan ri dakha, ki kamra skur thymme wa kiwi kiwi. 

Ha kani ka kynti da ioh ko Rs. 5,14,000 naka C&RD Block naka skhim (MGNREGS) iow pynchna chram ioh u iada ia ka thaw rep saru, ki duid wow pynyait ia ka um na ka thaw rep wa ka bai kreh ki bru iong kani ka chnong. Ka chnong leh da iarap poisa ko chi lak kam wa ong u ma R. Laban u secretary ka VEC iong kani ka chnong.

Advertisement ad1

Da ioh won ki ia ki symbe saru (hybrid seed) na ka tnat Agriculture kamwa 40 Kg. Da thied ki leh sa 20 Kg na iaw ioh u rep ha kani ka thaw wa em palat 3.5 Acre. Ia kani ka thaw rep da kreh da ki wa em job card wa da dep su Rs. 3,08,400 kam i nongsngi ia ki. Ia kani ka poisa da khein naduh wa pooh ia ka khyndaw, u thung ia u saru, u pynkhooid ia ka thaw rep wa u chna ia ki ker kper wa ki duid. Ia ka nong wa daw ioh nei wa dai ia uni u saru da rai wa u e cha ka seiñ man bei iong kani ka chnong kiwa da chim kti leh u dai ia uni u saru ong u ma R. Laban.

Ka ophis yong u BDO yooluti  ko wa ini i thaw rep saru kattu da ye ko pynmih nong man ka snem wa ym emkam de u iarap poisa ha ini i thaw rep.

U BDO ka Laskein Block u ma L.T. Tariang  dei lang ki bru iong Oo da iah lang ki leh ia ki bru iong ka Basin Development Project iow wan jurip ki ia ini thaw rep. Ki bru ka Basin ong ki wa kani ka thaw em ko waroh i jait khamtam i kreh lang ka chnong  (community participation) kawaman kawa emkaam dooh chwa ka Basin Development Project u sdang ki kat kawaem ka kaam iong ki.  Ong ki na ka liang iong ki ye ki u esikai ia ki bru ka chnong kamon u dai ia uni u saru dei wa pynchna bam ia oo cha kiwa boonjait iow ye ki u dai ha i dor wa biang. Ki bru ka Basin da ong ki leh wa u pynyoo pyrthai ia kini ki bam saru haka “Maize Festival” kawa daw man ha uni u snem.

Ki nong chongchnong yooluti ki wa da ini i wanlang boon ki skhim iong ki tnat ka sorkar ha kani ka thaw rep saru daw ye ki u pynheh chuh chuh ia ka rep naka snem cha ka snem.

Share this:
Share on Facebook0Tweet about this on TwitterGoogle+0
Advertisement ad1