15 49.0138 8.38624 1 1 4000 1 http://wyrta.com 300

Jop ka 3rd MLP Battalion ya ka Education Combine (Co-operation) da ka Super Over

0 Comments

Jowai: Ynne ka sngi ha ka 1st JJM Nichols Roy Memorial Inter Office T20 Cricket Tournament, ka Education Combine Co-operation da yachem ko waka 3rd MLP (IR) Battalion.

Ka Education Combine da jop ko ya ka kylla khlem wei da jied ko wow kawang bol nyngkong.

Advertisement ad1

Kamtæ ka 3rd MLP hawa Bat ko da yoh ko 192 Run na ki 20 Over deiwa haap 6 tylli ki Wicket.

Ki Batsman ka 3rd MLP kiwa da leh bha toh u Jembo Marak uwa kamai 81 Run, u Vijay Shah 33 Run wa u Amarjit Singh 11 Run.

Kiwa kawang bol ka Education kiwa pynhaap boon Wicket toh u Fisrtborn Dkhar uwa yoh 4 Wicket na ki 4 Over wei da chah kamai u 32 Run wa u Dauru Lato uwa yoh chi Wicket na ki 4 Over wei da e u 42 Run.

Ka Education Combine hawa kdong ya ka thong da yoh ko 192 Run deiwa dooh 9 Wicket na ki 20 Over kawa man thij kat kam wa yoh ka 3rd MLP.

Ki Batsman ka Education Combine kiwa yoh boon Run toh Dauru Lato uwa yoh 44 Run wa u Deep Das uwa yoh 38 Run.

Kiwa kawang bol ka 3rd MLP kiwa da pynhaap boon Wicket toh u Bikash Chettry uwa yoh 4 Wicket na ki 4 Over wei da chah kamai u 39 Run wa u Amarjit Singh uwa yoh 2 Wicket na ki 4 Over wei da e u 33 Run.

Yow jied ya kiwa jop da pynman da ka Super Over heiwa ka 3rd MLP Battalion da yoh ko 15 Run katwa ka Education Combine da yoh ko 12 Run, kamtæ ka 3rd Battalion da jop ko da 3 Run.

Advertisement ad1
Previous
Next

0 Comments

Leave a Reply