Advertisement ad1

Jowai: Ka West Jaintia Hills District Administration dei krehlang wa ka State Council of Science Technology and Environment (SCSTE) ynne ka sngi da pynman ko iaka District level National Children’s Science Congress ha Science Hall, Circuit House, New Hill, Jowai hajrong ka phang “Understanding Weather and Climate.”.

Da wan chimbynta ha kani ka iakop da ki skur wapher wapher napoh ka chnong Jowai ha kawa kiwa iachim bynta da pynyoo wei da batai bniah ki iaki project wapher wapher kawa em iatoh wa ka phang iong uni snem wei da wan bichar iaki da arngut ki nongbishar u ma L. Ksoo, Associate Professor, Kiang Nangbah Government College wa ka kong Jessica Dkhar, Lecturer ka Kiang Nangbah Government College waroh ar na ka Botany Department.

Advertisement ad1

Na ka skur Government Girls Higher Secondary School, Jowai da wan chimbynta da ka Evinisha Patlong wa ka Pecific Naing deiwa pynyoo paidbah ki ia ka phang “Collection of Insects.”

U Kamwakwah Kam deilang wa ki paralok iong oo na ka skur Government Boys Higher Secondary School, Jowai da e ki da ka phang “Comparative Analysis of Waste Generation, Collection and Disposal in some selected places in Jowai.”

Ka skur K.J.P Synnod Mihngi Higher Secondary School da klam bniah ki hajrong ka phang “Weather Patterns and Income-less daily wages workers.” Kawa mihkhmat da ka Jiphila R. Shabong wa ki paralok ko.

Ki khynnah skur ka Jaintia Secondary School, Jowai wa da iahkhmat da ka Manoilin Phai deilang wa ki paralok ko da batai ki ia ka “Chimney Manual Filter” katwa ka Estivallyn T. Nongseij wa ki paralok ko pynyoo ki ia ka project “Box light Plantation.”

Ha kani ka iakop ka skur Government Boys Higher Secondary School, da iohrah ko ia ka nam jop deilang wa ki Certificates wa ka song poisa wa 4000 tyngka katwa ka Jaintia Secondary School wa ka K.J.P Synnod Mihngi Higher Secondary kiwa wan wa ar wei wa le da ioh ki iaki certificates wa ka poisa 3000 wa 2000 tyngka.

Ia kani ka jingiakop da wai da u D.P Kharsati, Additional Deputy Commissioner, West Jaintia Hills deiwa u B.J Kharshandi, Extra Assistant Commissioner ha i klam iong oo da pynche u ia ka phang kani ka iakop “Understanding Weather and Climate.”

Ia kiwa jop ha kani ka sngi daw ioh ki u li chimbynta ha ka State Level Science Congress kawa daw man ha ka 14 wa ka 15 tarik iong uni u bnai.

Kamwa pynkynmo ka skur iong ka distrik ka Jaintia Secondary School, Jowai da dep ioh u lai iachimbynta chadooh ka kyrdan wa khlieh dooh iong ka ri ha u snem wa dep.

Share this:
Share on Facebook0Tweet about this on TwitterGoogle+0
Advertisement ad1