15 49.0138 8.38624 1 1 4000 1 http://wyrta.com 300 0

Jop ka Meghalaya yaka Jammu & Kashmir haka Hero Sub-Junior Girls National Football Championship

0 Comments

Shillong: Hadien waka Meghlaya jop ko yaka Kerala da 5-1 ynnin tayaw, ynne sa chisien ki khynnah kynthai wa mihkhmat yaka Meghalaya haka Hero Sub-Junior Girls National Football Championship da jop ki yaka Jammu and Kashmir da 7-1 ha Cuttack, Odisha.

Ka Meghalaya da sdang ki wow thap kool pyn haka minit wa 4 lyngba ka kool naka Napaleroiki Lytan wei pynbood saka Sunalinda Iawren haka minit wa 19.

Advertisement ad1

Haka minit wa 36 ka Meghalaya da yoh ko wow chut Corner wei heini kiwa yalehke ka Kashmir da thap bakla ki yaka kool (own goal) du hadien ar minit ka Sanfida Nongrum da thap kool ko haka minit wa 38 yow pynkut yaka kylla step 4-0.

Ka J&K da ye ko u su kylliang haka minit wa 50 tangwa ka Meghalaya da ye won ko wow thap sa le tylli ki kool lyngba ka Fragrancy Riwan haka minit wa 55 wa 80 wa saka chi kool naka Da-ai-jingsuk Basaiawmoit haka minit wa 77.

Da ini i jop ka Meghalaya da em ko ha i nyngkong haka Group G deiwa yoh ko u thap boon kool bar yaka Gujarat kawa em ha i wa ar.

Haka 14 tarik, ka Meghalaya dawa yachem ko waka Gujarat yow rai kiyi wow yoh u psiah cha ka Quarterfinal.

Advertisement ad1
Advertisement ad1

0 Comments

Leave a Reply