Jowai: Ynne ka sngi ha ka kynjetbol wa nyngkong heipor 1 waje i sngi ha pyrdi ka Nangbah Mulang SC Vs Mookyrdup SC da jop ka Nangbah Mulang ia ka Mookyrdup da 3-0. U Heimon War da ioh u thap ar kol ha ka minit wa 20 waka 76. U Buster Suna wan do ioh u thap chi kol ha ka minit wa 24.

Ki nong ialehke ka Mookyrdup da pyrchang ki katwa lah u su kylliang ia ka Nangbah Mulang kattæ leh ym ye ko pynkhih ia jar tang chisien leh.

Ha ka ialehke wa ar ha pyrdi ka Lumpariat SC waka Luti Tuber Ialong SC da jop ka Lumpariat da chi kol kawa thap da u Lakhon Sana ha ka minit wa 13. Ka ialehke man ko kawa iathain bha hadooh wa kut hawa waroh artylli ki kynhun da sai ki i bor i sap iong ki yow ioh ia i jop. Tangwa ym ye de u su kylliang ne u pyntam ia ka chi kol  kawa da ioh ka Lumpariat u thap na wa sdang ka ialehke.

Mynstep ka ialehke daw em ha pyrdi ka Tepe-Pale SC Vs Riatsaliya Mihmyntdu SC kawa ar won ka Ladthadlaboh SC Vs Nangbah Iawmusiang SC.

Share this:
Share on Facebook0Tweet about this on TwitterGoogle+0
Advertisement ad1