15 49.0138 8.38624 1 1 4000 1 http://wyrta.com 300

Jop ka Rising Star ya ka 1st T20 Cricket (Tennis Ball) Tournament

0 Comments

Jowai: Ka 1st T20 Cricket (Tennis Ball) Tournament wa pynman da ka Chiruplang Sports & Socio-Cultural Club Jowai ha madan Kiang Nangbah College Playground Jowai da poi ko cha wa kut ynne ka sngi da ka yakhun Final ha pyrdi ka Rising Star pyrchah ya ka wa War United.

Da wan pynhiar pyrda ya kani ka lympung yaleh Cricket da u F. W. Blah, Chief Forest Officer ka JHADC hei emlang u R. Nongtdu, SDO PHE Electrical.

U Blah hei klam yong oo da e mynsien u ya ki khynroo ym du ya kiwa wan chimbynta ha kani ka Tournament wei da e mynsien u leh ya waroh kiwa chimbynta ha waroh ki jait yalehke wow em ki ka mynsien wow yaleh wa ka mynsien wa ryntih yow poi cha ka thong.

Da e khublei u leh ya ka dhab kawa jop deiwa ong wa ya kani ka jop u kheiñ kam ka sdang donhi wei ym toh u sniaw sarong manda jop. Da e mynsien u leh ya ki warem wym hoi u dooh mynsien ki deiwa ong wa i chah rem toh ka wow pynchlur wow kreh dohyap yow poi cha ka jop ha kiwi tawan ki Tournament.

Ya ka Final da jop da ka Rising Star ya ka War United.

Ka War United da bat nyngkong ko wei da kamai ko 111 Run deiwa dooh ko 9 Wicket na ki 20 Over.

Ki Batsman wa lehke bha na ka War United toh u Pyndapbor Jungai uwa kamai 30 Run wa u Kenny Wan uwa kamai 21 Run.

Ki Bowler ka Rising Star kiwa da leh bha toh u Deibormi Rangad uwa da yoh 3 Wicket na ki 4 Over wei da chah kamai u 26 Runs wa u Peter Lamare uwa da yoh 2 Wicket na ki 4 Over wei da e u 19 Run.

Hawa beh ya ka thong, ka Rising Star da ye ko u pynjop du ha ka Over kawa 11.4 wei da dooh ko du 2 Wicket donhi.

Ki Batsman wa lehke bha na ka Rising Star toh u Sauni Nongdtdu uwa da kamai 56 Runs khlem haap ka Wicket u wa u Deibormi Rangad uwa yoh 37 Runs khlem haap ka Wicket u.

U Bowler ka War United uwa pynhaap ya ki artylli ki Wicket ka Rising Star toh u Devindra Bhamu ha ki 2 Over wei da e u 20 Run.

Kamtæ ka Rising Star da jop ko da 8 Wicket.

Ya ka naam Man of the Match da yoh u Deibormi Rangad yong ka Rising Star, ya ka naam Player of Tournament da yoh da u Wailadmiki Myrchiang naka War United.

Ka Rising Star kawa man ka Champion da yoh rah ko leh ya ka song poisa ka wa T. 30,000 deilang wa ka Trophy katwa ka War United kawa rem da yoh ko ya ka song poisa wa T. 10,000 deilang waka Trophy.

Neiliang ka Chiruplang Sports & Socio-Cultural Club Jowai da e khublei ko ya waroh kiwa da embynta lang ha kani ka tournament kiwa da yarap bor wa mynsien wei kamjooh leh ya waroh kiwa da noh kyllooid mynsiem cha kani ka Club wei kamjooh leh ya u Principal ka Kiang Nangbah Government  College, Jowai uwa da e ya ka madan wow pynemkaam ya kani ka tournament.

Da e khublei leh ya waroh ki dhab wa wan chimbynta ha kani ka Tournament.

Advertisement ad1

U yakhun Election u Conrad pyrchah ya ka khon ....

Previous

Da sdang ya ka PDB Project ha Meghalaya neibyn....

Next

0 Comments

Leave a Reply