15 49.0138 8.38624 1 1 4000 1 http://wyrta.com 300 0

Jop ka Smit waka Assam Rifles haka 4th Assam Rifles Invitational Football Tournament

0 Comments
Advertisement ad1

Shillong: Ka Smit waka Assam Rifles da jop suk ki ha ki yalehke yong ki wei da psiah ki cha ka Quarterfinal ka 4th Assam Rifles Invitational Football Tournament kawa pynman ha madan ka Assam Rifles ha Laitkor ynne ka sngi. 

Ka Smit da pynrem ko ya ka Kith United da 4-1 katwa ka Assam Rifles da pynrem ko yaka Umphrup da 5-0. 

Advertisement ad1

Ya ka Smit da thap kool u Banpynkhrawnam Nongkhlaw ha ka minit wa 4, u Wallamsuk Nongkhlaw ha ka minit wa 32 katwa ka Kith United su kylliang ko chi kool ha ka minit wa 41 lyngba ka kool u JL Marshillong.

Ha ka kylla miet ka Smit da thap ko sa ar kool ha ka minit wa 61 da ka kool u Banshanlang Nongdhar wa u R. Khongjoh uwa thap haka minit wa 80. 

Ya ka Assam Rifles won da yoh Hat-trick u Lalboy Kipjen uwa thap ha ka minit wa 32, 54 wa 58.

Ki ar tylli ki kool wa sah da thap da u M. Chetry haka minit wa 84 wa haka minit wa 88.

Mynstep ka yalehke u pynman hapyrdi ka Mawpdang waka Madanryting heipor 10:30 i step pynbood won saka Nongthymmai pyrchah ya ka Nongkrem heipor 1:30 sngi ha ka madan ka Assam Rifles wa em ha Laitkor. 

Share this...
Share on Facebook
Facebook
Tweet about this on Twitter
Twitter
Advertisement ad1
Previous
Next

0 Comments

Leave a Reply