Jowai: Na ka 30 tylli ki thaw thiah wa kjut ha u snem 2001, katni ka NEIGRIHMS da ku hadooh 567 tylli ki thaw thiah ya kiwa kjut wei 18913 ngut kiwa wan thiah kjut ha u 2018-19. 416803 ngut kiwa kjut kiwa wan cha ki Speciality wa Super Speciality OPD ha u 2018-19.
Ya ka Undergraduate (MBBS Course) da sdang ha kani ka thaw puræ nadooh u 2008, wei da bood da ka Post- Graduate Programme (MD/MS) ha ki chant waphær waphær ha u 2009. Ka Post-Doctoral Programme (Cardiology) da krehkaam nadooh u 2012.
Ynne ka sngi ka NEIGRIHMS u lehkmen ko ya ka 9th Annual Day. Da ka Programme wow sdang ha i por 2 waje i sngi ha ka Auditorium yong kani ka thaw puræ da i rwai pdiang sñiawbha na ki khynnah puræ MBBS. U Rakesh Sasibhusan, Chairman cum Managing Director, Antrix Corporation Ltd., u chim u ya i bynta kam u kongsan. U Prof. Sanjeev Mishra, Director, AIIMS Jodhpur u man u kam u symbood kongsan.
Ka Graduation Ceremony yong ki MBBS (2013 Batch), MD/MS, DM wa MSc. Nursing u sdang ko ha i por 3:25 nohchariñ ka sngi. Ha i por 4:30 daw ka ya dih cha na i bynta waroh kiwa chimbynta wa kiwa chah khut sñiawbha wei daw pynbood da ka Cultural Programme ha i por 4:45 nohchariñ ka sngi.
Discussion about this post