15 49.0138 8.38624 1 1 4000 1 http://wyrta.com 300 0

Ka CAB toh ka khlam wow baam-dooh ya ka jaitbru: CoHSO

0 Comments
Advertisement ad1

Jowai: Ka Confederation of Hynñiewtrep Social Organisation (CoHSO) kawa kdup ya ki 14 tylli ki seiñbhalang yong ka jylla wa kynthup ya ka HYC, HANM, HPF, MPUF, WKSU, WYF, JSU, AJSU, JSM, JYF, EJNC, CORP, WJNC wa ka RBSU haka yalang pynche paidbah hajrong ka Citizenship Amendment Bill (CAB) 2016 wa da pynman ya ka ynne ka sngi ha Iawmusiang Jowai, da beiñ joor ki ya ka sorkar NDA wa da wanrah ya ka CAB deiwa ong wa kani toh ka khlam wa baam-dooh ya ka jaitbru Ynñiawtrep kamjooh ya ka thaaiñ mihsngi ka ri hi waroh kawi.

Kamtæ ya kani ka Bill wa dang dep mynjur hapoh ka yung dorbar Lok Sabha da ka sorkar MDA wa wa yahkhmat da ka BJP, kani ka Bill dang sah ko wow yoh mynjur na ka Rajya Sabha chwa wow man aiñ pura ko, tæ kamwa dang em por da kyntu ya ki paidbah wow yakrehlang neibynta wow khanglaad wow mynjur ya ka.

Da pynche wa i daw wa pyrchah ya kani ka Bill toh wa lada man aiñ ko khlem pep ki poiwiar kam na ka ri Bangladesh, Pakistan, Afghanistan u yohlaad ki wow chong chnong wei wow man ki tre ri India wei ka jaitbru Ynñiawtrep wa du chitroh daw chah yoohbeiñ ko wei daw chah ktah ka riti dustur, ka khyndaw ka chyiap wa kiwi kiwi i man kyrpang ka jaitbru.  

Ha ka yalang da ong wa ka jylla Meghalaya em ko u pood wa jrong bha wa ka Bangladesh, heiwa ka ri Bangladesh em ko kamwa 16.3 klur tam kiwa chong chnong wei na kini 9% toh na ka niam Hindu, iwa mut wa kamwa 1.4 klur tam toh ki Hindu wei du 0.4% ki Khristan hawa pait ya ka bui (report) yong ka Bangladesh Rehabilitation Assistant Committee da chem wa kamwa 27 million tam kiwa na Bangladesh da yut chnong ki neibha wa da antaad wa ha u snem 2050 mar chiteiñ ka ri Bangladesh daw ngam ko chapoh duriaw, kamtæ booh ko hei maa ya ka jaitbru Ynñiawtrep lada mynjur ya kani ka aiñ.

U Chairman ka CoHSO u Robert June Kharjahrin da u ong u wa kamwa 10,000 tam ka khyndaw ha Bangladesh tooid ko cha duriaw manla u snem, 1% na ki thaw rep daw tooid ki cha duriaw manla u snem, 55 lak ngut ki khynroo khyllood na Bangladesh daw lai thooh khih ki kylleiñ ka pyrthai manla u snem wei du ha u 2016 kamwa 75,55,000 ngut da lai thooh khih ki cha baar ri iwa booh hei maa ya ka jaitbru khian paaid ka jylla Meghalaya.  

Ya ka yalang pynche paidbah ynne ka sngi da pynlai da u Lawyerson War, President ka JSU, wei kiwi kiwa da klam kynthup ki ya u Donbok Kharlyngdoh uwa man kam u Vice President ka HYC, President ka HNPF u L. Laloo, u Treiborlang Suchen uwa man kam u President ka JSU Shillong Circle, President ka EJNC u Sambormi Lyngdoh, President ka MPUF u Aimon Syad, u Teilang Dkhar wa man kam u President ka JSM wa u Lamphrang Kharbani uwa man kam u President ka HANM.

Advertisement ad1

0 Comments

Leave a Reply