15 49.0138 8.38624 1 1 4000 1 http://wyrta.com 300

Ka Citizenship (Amendment) Bill, 2016 toh i thmu ka NDA wow wanrah ya ka ri Hindu: HYC

0 Comments

Shillong: Ka Hynniewtrep Youth Council (HYC) da pynbaad ko wa ka sorkar NDA wa yahkhmat da ka BJP kwah ko su wow pynhun donhi ya ki Hindu dei thmu wow pynman aiñ ya ka Citizenship (Amendment) Bill, 2016 ha ka lai paidbah wow pyrchah ya kani ka Bill deilang wa kiwi ki seiñbhalang wa pynman ynne ka sngi ha Shillong.

“Da man ko kawa tiplut waroh wa ka BJP ym ye ko u psiah khlieh cha ka thaaiñ mihsngi wei ini wa warah ya kani ka Bill man ko wow e laad ya ki nong Bangla wow psiah ki yow pynku ya ka Vote,” da ong u HYC President u Robertjune Kharjahrin.

Advertisement ad1
Advertisement ad1

U Kharjahrin da pynbaad u leh wa ka BJP i thmu yong ka toh wow pynwair jait ya ka ki tre jylla, tre chnong deiwa wan tyrwa ya ka Citizenship (Amendment) Bill, 2016.

Da e nongmuna u wa ya ka Indo-Nepal Frienship Treaty kawa da ya soi wow pynhun ya ki Hindu kiwa na Nepal.

Ka HYC da kdaw ko leh wa katkam wa yoh yutip na ka Bangladesh Rehabilitation Assistance Committee (BRAC), hadooh 27 million yung kiwa na ri Bangladesh hadooh u snem 2050 u mih ki na kani ri neidaw wa boon ki thaw kani ka ri daw chah tymmoh ki ha ka duriaw kawa daw baam ya 50% i thaw ka ri Bangladesh.

Ka HYC da ong ko wa katkam ka 2011 Census da ku i boon bru ka jylla Meghalaya da 27% iwa ym tip de wa boon ki tre jylla namo ki baar jylla wei lada wan saka Citizenship (amendment) Bill, 2016, ka jaitbru yong i daw wiar jiat ko na ka sla pyrthai.

U Kharjahrin da ong won u wa kani ka Bill ka sorkar NDA toh wow pynman ya waroh ka ri India kam ka ri Hindu deiwa khutlang ya waroh ki Hindu ka Bangladesh.

Da ong u leh wa sniawkmen u wa ka sorkar jylla Meghalaya waka Mizoram da pyrchah ki ya kani ka Bill.

Advertisement ad1
Advertisement ad1

Kynmoo warom ka KSU ya ka sngi yap u Bull N. L....

Previous

Psiah Final ka Sabah Muswang ha ka Super Division

Next

0 Comments

Leave a Reply