Advertisement ad1

Shillong: Da pynman ia i  esikai hei iatoh wa ka Electronic Fund Management System ha Yojana Bhawan Auditoruim, Main Secretariat, Shillong yow pynkrehkaam ïa ka Direct Benefit Transfer (DBT) lyngba ki bor internet wa ka Core Banking yong ki Bank.

Ïa kani ka esikai da pynman da ka State Rural Employment Society (SRES) hei krehlang wa ka Directorate of Community & Rural Development.

Advertisement ad1

Da wai ïa kani ka esikai da u Prestone Tynsong, Montri C&RD, ka sorkar Meghalaya hei emlang ka I.R. Sangma, MCS, Joint Secretary C&RD and Additional Mission Director, State Rural Employment Society (SRES), u T. Lyngwa, MCS, Director, State Institute of Rural Development (SIRD) wa u J. E. Massar, i/c Director, C & RD.

Da wan chimwynta ha kani ka esikai da ki Project Director, DRDA, ki BDO wa ki wakreh ka MGNREGA wa ka IAY na ki distrik wa ki ophis ki Block wa ki sahep na ka NIC, C&RD, wa ki bank wa emkti lang hei pynkreh kaam ia kani ka DBT.

Hei klam yong u ma Prestone da ban joor ia ki, wa boon jait i eh wa takhooh ki hei por wa pynkrehkaam ïa ka MGNREGA wa ka IAY. Ong u wa i sñiawthooh bakla ha pyrdi ki dkhot ki VEC da pynwit  ki heiwow pynkrehkaam ïa ka MGNREGA. Da kyrpad u ïa waroh ki sahep u pteiñ ki yei kaam wa da leh ki katni ymhoi u ran dien ki wow pynkreh ïa kani ka skim kawa lai beit. “Ki Block boon i kaamram ki wa khia du na ki prokram wapher wapher, ïa ini i kaam hap peit i deiwitawan. Ka sorkar jylla dang pyrchang ko kammon u pynthymme noh ïa i rukom pynkreh wei pynduna ïa i pynkit cha ki Block wa boon yow ye ki u kreh deiwa thymme. Da ong  u leh wa ki sahep na ki Block toh u pynemkaam ki ïa kani ka yachem ynne ka sngi yow phyllu jingmut wa kammon u pynkylla wei u e ïa ki buit yong ki wa kammon u pynpoi ïa ki skim wa boon cha ki paidbah khlem i pynthut wa boonjait.

Ka kong I.R. Sangma, MCS, Joint Secretary C & RD and Additional Mission Director, SRES da pyntip ko wa ka Ministry of Rural Development (MoRD) dang khreh ko yow thooh lad thooh luti wa kammon u pynduna noh ïa i pynslem ïa i su poisa cha ki paidbah. Da ong ko wa ka sorkar jylla da dep ïa soi ko ki MoUs  wa ki bank wapher wapher yow pynyaar ïa i poithaw ki bank cha waroh ki thaiñ deiwa pynemkaam da ki Business Correspondents. Da khana chooh chooh ko wa “Hapoh ka electronic-Fund Management System (e-FMS), ye u pynemkaam ïa i bor yong ka Information Technology wa ki Core Banking yow phah poisa cha ki account ki paidbah wa yoh myntoi na ki skim kam ka MGNREGA.

Ha kani ka esikai da chong pyrkhat leh ïa i pynemkaam ïa ki e-FMS wa ki digital signatures kam ki lad wow yarap ïa i pynkrehkaam ïa ka Direct Benefit Transfer System.

Share this:
Share on Facebook0Tweet about this on TwitterGoogle+0
Advertisement ad1