Jowai: Ka phlim Documentary kawa e pyrtuid ‘Because We Did not Choose’ chaphang ki jaitbru Khasi, Jaiñtia wa Garo kiwa lai chimbynta ha ka Thma Bah wa nyngkong ha France wa ha Mesopotamia (katni Iraq, Kuwait) daw pynyoo paidbah nyngkong dooh ya ka ha Nehru Cenre, London, England ha ka 13 tarik uni u bnai.

Kani ka phlim toh kawa chna da u Wanphrang K Diengdoh kawa da chimpor 4 snem u pyndep u thooh bniah ya kiwa lai yaleh thma kam na Jowai, Wahiajer, Sohkha  wa Tura.

Advertisement ad1

Ha kani ka phlim da pyrchang wow booddien ya ki thaw wa lai luti kini ki bru kam ha Guwahati, Kolkata, Chennai, London, Liverpool, Wales wa ha France.

Ha kani ka phlim da chem leh ya ki sur wa jooh rwai ki heipor lai thma wei da rwai biang ya ki da kiwa ha yung ha sem yong ki wa katni, da chem leh ya ki kot ki sla wa thoh chaphang kini ki bru kiwa batai yei ktah kani ka thma ya ka jaitbru.

Kiwa boon na kini kiwa lai thma nyngkong da jied ya ki wow kit mar ki tangwa hadien ki leh da haap yaleh thma ki heiwa boon da dooh ki yei mynsien yong ki wei yei pyrtuid yong ki da booh ha ki mot wa em ha ha Jowai wa Shillong tiwa tip katni kam ki Motphran iwa mih na i ktien France .

Share this:
Share on Facebook0Tweet about this on TwitterGoogle+0
Advertisement ad1