15 49.0138 8.38624 1 1 4000 1 http://wyrta.com 300 0

Kajiak chaphang u Rupari Nongrum uwa da e mynsien da i rwai u iwa poor haki Social Media

0 Comments

Jowai: I poor smat yong iwi i Video lyngba ki Social Media ha ka WhatsApp wa Facebook kawa da pynyoo ya uwi u khynnah khian uwa duna ha i bor khmat uwa chong hajrong ka chuki wa rwai ya iwi i sur iwa da pynum ya i mynsien yong kiwa boon ki bru kiwa pait ya katai ka Video da pynman ko ya uwa thoh wa ki lok u wow thooh ya uni u khynnah. 

Boon kiwa pait ya katai ka Video, ym ye ki khlem da joo umkhmat, neidaw i sur rwai, ki ktien wa i rukom man utai u khynnah kawa yahap bha wa iwa rwai u, na i tæ i daw da ktah bha ko yaka mynsien lung yong kiwa ap ya i tai i rwai. 

Uni u dong khian toh uwa tip pyrtuid kam u Rupari Nongrum, uwa man uwa 5 na ki 6 ngut chi payu wei da khut siñ ya oo kam u Bahdeng, uwa chong skur haka Class 2 haka skur kawa em haka chnong hi u.

Uwa thoh da thooh laad u kammon wow yoh u lai cha ka chnong u tai u khynnah yow lai e mynsien ya oo wei lyngba ka WhatsApp da pyntip uwi u bru wa tip kam u Maxx Marbaniang ya i chnong uni u khynnah.

Kamtæ haka 5 tarik uni u bnai da hiar chi lok cha ka chnong Mawskei kawa haap hapoh ka Jirang LA Constituency yong ka Ri-Bhoi District. Yow poi cha ka chnong Mawskei, da hap wow lai lyngba u sarok Mairang-Nongkhlaw ter ter hadooh Patharkhmah. Na Patharkhmah hap lai sa kamwa 5 KM. 

Ka chnong Mawskei toh kawa em hajrong uwi u loom, wei yow poi cha ka yung u Rupari da hap wow ku ya u loom deiwa lai kjat. Ka yung yong u Rupari toh kawa em hajan u Mobile Tower yong ka Company Jio.

Hawa yachem wa u Rupari dang lai ke u cha ki yung ki lok u wa da chdooh luti ya oo daka payu kynthai u, deilang wa u Rupari, da emlang leh ki lok yong oo kiwa lai lang yow poi u cha yung u.

Na i rukom man ka yung ka sem leh da tip wa u Rupari da wan u naka man yung man sem wa dooh wa duk wei uwa ym em de leh ya ka bei wei u pa yong oo da yoh kurim u chawi wei da pait da sumaar ya oo daka beipun u wa wa ki payu yong oo.

Iwa kwah uwa thoh wow pachat yumut heini toh wa hanlada u Rupari em u i duna ha i doh i pran tangwa da em won ha oo ya i sap wa e da uwa booh wa thaw, ka sap kawa kyrpang wow rwai ya ki sur kiwa waroh kiwa ap wa sñiaw u jem u nood ki.

Kam ki paaid ka Bri Ynñiawtrep nga kwah O wa uwi pa uwi wow e yarap wow kyntu lang ya i sap wa kyrpang yong uni dong, wei nga ban joor O khamtam ya kitu ki bru kiwa jooh embynta hei wow pynmih yaki Film, næ kiwa jooh pynmih yaki thup rwai wow e laad lang ya u tai u khynnah wow pynyoo chooh chooh u yei sap yong oo lyngba ki rwai khnang wa ka pyrthai daw tip ko yaka sap yong oo, wei khamtam leh wow man ko kam ka laad kamai jakpoh ya oo ya kiwa ha yung ha sem yong oo.

Nga sñiaw O wow ong wa kani ka sap wa kyrpang yong u tai u khynnah man ko leh kam wow e mynsien lang ya kiwi ki paradoh parasnam yong i kiwa yachem yei eh heiliang wa duna ki dkhot i doh i pran næ ha kiwi ki eh, wei ym toh u dooh mynsien, tangwa kayi ka sap wa em ha i toh u pynemkaam hok yaka wei wow pynyoo pyrthai yaka khnang wa ka sap wa kyrpang kawa u Blai da e u ym man ko kawa sepai.

Ha iwa khaddooh nga kitbok kitrwiang O ya u Rupari Nongrum wei kamjooh leh ya kiwa ha yung ha sem yong oo wow yoh ki yei chait i khiah yow nang ku ki chaphrang haki liang waroh.

Advertisement ad1

0 Comments

Leave a Reply