Advertisement ad1

Jowai: Ka seiñ Jaiñtia Students Union (JSU)-1 Seiñbei da kam ko wa da lai khang khyrdep ko ya artylli ki Office Company ha Jowai, ka wi ka Jio Relience wa kawi yong ka Airtel. Ka seiñ da phah khang ko ya kini ki Office toh neidaw ynne ka sngi toh ka sngi burom ya ka lyngkhooh sngi yap kawa 182 yong u Tirot Sing u khlawait ka ri.

Advertisement ad1

Ka seiñ da ong ko wa hadooh ka sorkar leh da e chuti ya waroh ki yung krehkaam yong ka kam ka dak wow burom ya uni u khlawait kamtæ neiliang ka seiñ da phah khang ko ya kini ki yungkrehkaam neibhah emkaam ki u burom ya ka sngi wa kyrpang yong u Tirot Sing.

Ka seiñ da kyntu ko ya waroh ki Office Company neini cha khmat wa toh ki u burom ya ki sngi wa kyrpang yong ki khlawait ka ri kamwa da leh ka sorkar.

Kani toh katkam ka khubor wa pyllait da u Deibormi Siangbood, Asst. General Secretary JSU-1 Seiñbei.

Neiliang ki Manager kini ki ar company da kyntait ki yeiwa da khang ki deiwa ong wa kini ki company leh chakri ki ya ki paidbah man ka sngi.

Share this:
Share on Facebook215Tweet about this on TwitterGoogle+0
Advertisement ad1