Jowai: Ki pulit ka Amlarem ynne ka sngi da pynman ki ya ka sylli yow chem ya ki truck wa kit moo palat pood kiwa chalan cha Bangladesh lyngba u sarok Amlarem- Dawki heiwa da yoh kem ki ya 8 tylli ki truck 10 chaka wa kit palat yeiwa chah ka aiñ.

Ki pulit da pyntip ki wa ya ki truck 10 chaka katkam ka aiñ da chah u kit ki 25 Ton tangwa kini ki truck won da kit ki 40 Ton wei da kem ya ki katkam ka Motor Vehicle Act hapoh ki kyndon Section 177/179/194.

Ya kini ki truck da yah ki pulit ki cha ka Amsarin Weighbridge yow thaw khia yow pynsakhiat yeiwa kit palat pood wei ka kuna wa da yoh na kini ki 8 tylli ki truck da poi ko T. 98000.

Ya ki moo wa kit palat pood da pynhair ha Amsarin Weighbridge wei da e kti cha ka tnat Forest.

 

Advertisement ad1