15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Khang ka KSU ya ki yung krehkaam wym burom ya ka sngi Shad Suk Mynsiem

0 Comments
Advertisement ad1

Jowai: Ka Khasi Students’ Union (KSU) da pynsñiaw ko yei sñiawsih hajrong i wym burom ya ki sngi wa kyrpang yong ka jaitbru Khasi kam ka Shad Suk Mynsiem, ka Pomblang Nongkrem, ka Behdiñkhlam, ka Seng Kut Snem wa ki lyngkhooh sngi yap yong ki bru wa khroo kam u Pa’iem Tirot Sing, u Kiang Nangbah, u Sngap Sing Syiem, u Pa’iem Wickliffe Syiem wa u Myllung Soso Tham ha ka jylla Meghalaya khamtam ha ka thaaiñ yong ka Bri u Ynñiawtrep.

Nadooh ki snem kiwa nachwa ka seiñ ka hap ko wow pynyoo da ki kaam wow khang ya ki yung krehkaam, ki skur wa kiwi kiwi neibynta kani ka daw. Ynne ka sngi kawa man ka sngi Shad Suk Mynsiem yong ka Hima Mylliem da sakhi wa boon bha ki yung krehkaam ki Company, Agency wa ki Bank man ki kiwa wai kiwa pynman kreh kawa pyndooh laad ya ki paaid Khasi u yoh ki u chim bynta ha ka lehkmen khamtam ya kitu kiwa bood ya ka Niam Tynrai/Niam Tre khamtam hawa kani ka sngi da e chuti ka sorkar ha ki ar District kitæ ha ka East Khasi Hills wa Ri Bhoi.

Advertisement ad1
Advertisement ad1

Kamtæ ki dkhot ka seiñ dei wym yohsa ki, da lai khang ki ya ki thaw wa pynmankreh ha kini ki ar District khnang wa ki paradoh parasnam u yoh ki u lai chimbynta ha ka Shad Suk Mynsiem.

Ka KSU ka da chem ko leh wa kiwa boon ki Bank ym em e chuti toh neidaw ka Negotiable Instruments Act of Holidays for Banks wei ym em booh ki ya ka Shad Suk Mynsiem wa ka Pomblang Nongkrem kam ka sngi chuti iwa da booh ya kiwa kreh Bank hei eh kamjooh ya ki paidbah.

Ka seiñ da kyntu ko ya ki khlieh dooh yong ki Bank waphær waphær wow chimkhia wow pynpsiah noh ya kini ki ar sngi ha ka thup sngi chuti khnang wa ki paradoh parasnam kiwa kreh ha ki bank u yoh ki u lehkmen ya ki sngi wa kyrpang ka jaitbru.

Heiyatoh won wa ki Company ki bru samen ka seiñ da kyntu wei da maham ko wa ki toh u burom ki ya sngi kyrpang u Khasi wei lymkamtæ ka seiñ ym banse ko wow leh da i bor.

Ka KSU ka kyntu ko leh ya ka sorkar jylla wa ki toh u chimkhia wow pyntikna wa kini ki sngi ki toh u man ki ki chuti wa pura ya waroh ki yung krehkaam sorkar, ki thaw puræ, ki Bank wa ki Company yong ki bru samen.

Ka KSU ha u snem wa da dep da khang khyrdep ko ya ki kattu katni tylli ki Bank wa ki yung krehkaam ki bru samen kiwa wai ha ka sngi Good Friday wei ha uni u snem u leh biang kamjooh lada em kiwa wai.

0 Comments

Leave a Reply