15 49.0138 8.38624 1 1 4000 1 http://wyrta.com 300

Khang ki pulit chipor ya ka thaw puræ NIPMT, Shillong wow pynsakhiat kam ka thaw puræ wa tipmit ka sorkar

0 Comments

Shillong: Ki pulit ka Laitumkhrah Police Station, chirup wa ki dkhot ka Khasi Student’s Union (KSU) da lai khang tylla ki chipor ya ka National Institute of Paramedical Technology (NIPMT) kawa em ha Malki, Shillong hadien wa da yoh ki ya ka ujor na ki khynnah puræ, kiwa da pynbaad wa man ko ka thaw puræ thok neibhah wa ki khynnah ym yoh kreh ki hanlada pyndep ki yei puræ yong ki.

Ki khynnah ka NIPMT kiwa em kamwa 60 ngut, da ujor ki ha ki pulit ynnin ka sngi wei da paan yarap leh na ka KSU wow yarap ya ki.

Advertisement ad1

Ya kani ka thaw puræ da sdang nadooh u snem 2008 kawa da pynlai da ka Bharat Sevak Samaj (BSS) na Delhi, wei katkam wa kam u Director, u Rhishikesh Shahi, ka NIPMT ymtoh ka thaw wa thok wei kiwa boon ki khynnah kiwa da pass na ka da yoh kreh ki ha ki clinic wa ki hospital waphær waphær ka jylla wa cha baar jylla.

U Secretary ka KSU Education Cell, u Readyone Nongrum da ong u wa hadien wa da yoh ya ka ujor, ynne ka sngi ka seiñ da wan paan ko ya ki kot ki sla wei wow pynsakhiat wa kani ka thaw ymtoh kawa thok tangwa kiwa pynlai da ong ki wa ki kot ki sla waroh em ki cha Delhi.

I lai kynreh ka KSU ya kani ka thaw puræ toh hadien wa yoh ujor ko na ki khynnah kiwa ong wa hanlada pass ki na NIPMT ym yoh khih ki neibhah wa ka syrnot kawa e kani ka thaw da kam wa man ko kaw thok.

Neiliang ka seiñ da ong ko wa da ekti ko ya ki pulit wow takit yow chem lada kani ka thaw man ko kawa sakhiat namo kawa thok deiwa ong wa ka jylla da chah dai sarom ko chisien neidaw ka CMJ wei ha kani ka kynti ymtoh de u jia kamni.

Chooh chooh da ong u wa ki thaw puræ kiwa wan cha ka jylla toh u lai ki lyngba ka Regulatory Board ka sorkar jylla wei lada ka thaw puræ man ko kawa thok, ka sorkar toh u bahkhlieh ko yeini waroh neibhah wa ka kawa ebor wow krehkaam ki.

Kawi ka manbei yong ki khynnah, da ong ko wa da phah ko ya ka khon ko wow puræ wow yoh kreh wei lada man ko kawa thok, kani ka thaw NIPMT toh u bahkhlieh ko neibhah kam ka manbei da pynlut ki ya ka spah wow phah puræ ya ki khon, wei kamjooh i por wa da pynlut da ki khynnah ha kani ka tahw puræ.

Da ong ko wa katkam wa pyntip kawi na ki khynnah kawa da pyndep puræ na kani ka thaw, ki hospital kam ka Woodland, Nazareth wa kiwi kiwi ym tipmit ki ya ka NIPMT wei ym pdiang ki ya kiwa pass na kani ka thaw.

Tangwa neiliang u director kani ka thaw, u Rhishikesh Shahi da kyntait u wa man ko kawa thok wei da kam u wa nadooh wa seiñ ya ka ha u snem 2008, kiwa boon ki khynnah puræ kiwa da pyndep na kani ka thaw, da yoh kreh ki ha ki thaw sumaar næ ki hospital waphær waphær ha ka jylla wot cha baar jylla leh.

Da ong u, “Ka NIPMT yomtoh kawa thok wei ym tieñ O wow chah ujor wot wow phah takit ha ka CBI leh.”

Chooh chooh da ong u wa ka headquarter yong kani ka thaw puræ em ko ha Delhi wei waroh ki kot ki sla kam ki syrnot, ki ID ki khynnah, wa kiwi kiwi da leh na Delhi bait.

Da ong u leh wa kiwa embynta wow sdang ya kani ka thaw ha ka jylla toh kiwa na Shillong hi, wei wow pynbaad hi-eh wa man ko kawa thok du neidaw wym yoh kreh ki man i iwa ym chongñia.

Neiliang ki pulit ka Laitumkhrah da khang tylla noh ki chipor ya kani ka NIPMT katwa dang yang ki wow yoh ya ki kot ki sla na Dehli chwa wow ye ki u leh yeiwa emkaam pyrchah ya kani ka thaw esikai.

Advertisement ad1

Chah kyrriah kaam u DC ka EJH wa kiwi kiwi ki ....

Previous

Pyrchah ka GSU yei thmu ka NEHU wow pynman Wal....

Next

0 Comments

Leave a Reply