Advertisement ad1

Jowai: Ynne i step katkam wa pyntip ki pulit da em i jia wa sñiawsih ha Mukhla heiwa kawi ka bru ka wympu tip pyrtuid da dooh ko yei mynsien yong ka hadien wa kynthiar ko na kawi ka kari kamai (Maruti Van) Ummulong-Jowai.

Kani ka bru da ku kari ko na Ummulong kawa em number ML-04 C-4252 wei manda poi hajan ka Orchid Inn wa em mar pyrchah ya ka nan Thadlaskeiñ kani ka bru da kynthiar syndet ko napoh kari heipor kamwa 11 :00 waje i step.

Advertisement ad1

Heini i por leh da wan ka DSP ka Jowai Police ka N. Rabha kawa da yoo yei yalang ki paidbah wei da kit ko ya kani ka bru cha Ummulong PHC wei hadien da kit ya ka cha Civil Hospital, Ialong heiwa da khlaad noh ko.

Hawa takit ki pulit ya uwa yah kari da ong u wa ym tipmit u ka kani ka bru wei da em leh arngut kiwa chong kari heipor wa jia. Da ong u leh wa kani ka bru da klam ko samen samen chwa wow kynthiar ko napoh kari wei da pynsangeh u ya ka kari hadien jia ini.

Share this:
Share on Facebook0Tweet about this on TwitterGoogle+0
Advertisement ad1