15 49.0138 8.38624 1 1 4000 1 http://wyrta.com 300 0
Advertisement ad1

Khlaad le ngut ha i ya tyrrah kari hapoh jylla

0 Comments

Jowai: Haka 10 tarik uni u bnai katkam wa pyntip ki pulit, heipor 9:30 i step, ka wi ka thuk thuk wa em ya u number AS-12D-3216 wa yah da u Nitul Kumar Nath da tyrrah ko wa kawi ka kari Maruti Car ML-05D-6604 ha Mawiong, Shillong. Ha ini i jia, u Gulab Deka (24 snem), uwa chong hadien kani ka thuk thuk da mynsoo joor u wei da kit ya oo cha Civil Hospital Shillong heiwa da khlaad noh u.

Ha i step ka 13 ka wi ka truck dumper kawa em ya u number ML-11-1669 wa yah da u Lius Rymbai (38 snem) da noh ko cha synrang hajan ka Toll Plaza, Lumshnong NH-6 (EJH). Uwa yah da khlaad u pyn ha ini i thaw wa jia.

Haka jooh biang ka sngi heipor 1:30 i sngi da em i ya tyrrah kari hapyrdi ka Maruti Alto wa em ya u number ML-04B-6303 wa yah da u Arlis Rymbai (36 snem) waka truck wa em ya u number ML-11-5032 wa yah da u Bijoy Siangshai ha Umtyra NH-6 (EJH). Uwa yah yaka Maruti Alto da mynsoo joor u wei da khlaad noh u.

Haka jooh hi ka sngi heipor chi waje i sngi u Destarland Lyngdoh (20 snem) da mynsoo u hadien wa haap i tnom thaw yang kari (Waiting Shed) hajrong yong oo ha Marshillong Junction (SWKH). Hadien ini da kit ya oo cha Mawkyrwat CHC heiwa da khlaad noh u.

Haka 15 tarik won heipor kamwa 2 waje i sngi da oor i khyndaw ha Ananda Math, Tura (WGH) heiwa kawi ka khynnah wa 16 snem da mynso ko malu mala katwa iwi i Temple wa ar tylli ki yung da chah ban ki.

Advertisement ad1

0 Comments

Leave a Reply