Jowai: Katkam ka yutip wa da yoh na ki pulit da ong wa uwi u bru wa tip kam u Rupesh Dohkrud uwa 35 snem i rta na chnong Demthring, WJH da lai Canvass u ya u kyrtong ka NPP na Sohmynting Khliehtyrchi Constituency, u Madonbai Rymbai uwa man leh u CEM ka JHADC.
U Rupesh da lai Canvass u chirup wa ki lok yong oo wei da sahmiet u ha i yung u Rymbai.
Ynne i step won u Rupesh da chem wa da khlaad u wei da pynkit noh ya i metyap u cha Demthring yow pyndep ya ka leh niam.
Neiliang ki bor pulit mar ya tip yeini i jia da hiar ki cha kani ka thaw wow pynman ya i takit.
Hajrong ini waroh neiliang ki bor pulit ka district da pyntip ki wa i daw wa khlaad uni u bru daw tip du hadien ka Post Mortem wei ka takit dang lai ko chakhmat.
Discussion about this post