15 49.0138 8.38624 1 1 4000 1 http://wyrta.com 300

Khyrngiat kiwa yahkhmat yong ki seiñ saiñ pyrthai wa ieh noh u Lapang ya ka Congress

0 Comments
Advertisement ad1
Advertisement ad1

Shillong: I mih noh u Dr. DD Lapang na ka Congress, da pynkhyrngiat ko ya kiwa yahkhnat ki seiñ saiñ pyrthai ym du na ka Congress tangwa wot na kiwi ki party kamjooh.

Hawa yaklam wa uwa e ktien ka Congress, u HM Shangpliang da pynsñaw u yei khyrngiat wei sahnood yei ieh syndet u Lapang ya ka party, uwa da em u hadooh 40 snem tam kattu.

Advertisement ad1

U Shangpliang da kwah u wa u Lapang u pyrkhat biang u yei rai yong oo wow mih noh na ka Congress deiwa pyndam noh ya ka chithi mih seiñ u.

Heijooh i por u montri rangbah ka jylla, u Conrad K Sangma uwa man uwa yahkhnat ya ka NPP da pynsñiaw u yei khyrngiat wei sñiawsih wow tip yeini.

U Conrad da ong u wa kam uwa yahkhmat wa da chran ka Congress ymtoh u lehbeiñ ki ya oo tangwa toh u e thaw ko ya oo deiwa biang kam uwa yahkhmat wei ini man i i dooh wa joor ya ka.

Katwa uwa yahkhnat ka UDP, u Bindo M Lanong da ong u wa i ieh u Lapang ya ka Congress man i i doohnong wa khroo hadien wa da em u ha ka da ki phaw snem. Da pynrap u leh wa ka Congress da bakla bha ko wow yoobeiñ ya kam uni uwa yahkhnat yong ka.

Kamjooh u MLA wa samen na Nongkrem uwa yajan bha wa u Lapang, u Lambor Malngiang da ong u wa u Lapang man u uwa yahkhmat wa chran wei kam u kñi heiwa da e u chiboon ki yumut ya oo (Lambor) wei i mih u na ka Congress man i i doohnong wa khroo ya ka party.

Kam wow pynkynmoo heini u Lapang da e u ya ka chithu wcha u President ka AICC u Rahul Gandhi wa ymye de u wow em wa ka Congress kawa da jooh em u palat 40 snem kattu, hadien wa ka party ymm kheiñ bru de ko ya kiwa yahkhmat wa da chran wa kiwa da rim.

 

Wai u CEM ka JHADC ya ka yung skur wa T. 50 la....

Previous

Dei kylleiñ myngor u yakhih ka KSU ha Shillong....

Next

0 Comments

Leave a Reply