15 49.0138 8.38624 1 1 4000 1 http://wyrta.com 300

Ki Cooperative Society em ki ka bynta wow kyntu kynrong ya ka khayi patieñ wa ka Bangladesh

0 Comments

Ampati: Ka yalang wow e mynsien ya ki Cooperative Society namo kawa tip leh kam ka Motivational Programme da pynman ynnin ka sngi ka 14 tarik ha Zizak C&RD Block Multi Facility Centre wa em ha South West Garo Hills.

Ya kani ka yalang da wan chimbynta lang ki 200 ngut ki dkhot na ki 50 tam ki Cooperative Society ka thaiñ.

U kongsan uwa man kam u Zizak C&RD Block Development Officer u S. Ch Sangma hei klam yong oo da kyntu u ya kiwa wan chimbynta wym hoi u mylliñ ki yeiwa da yoh sikai ki na ki sahep wa boon yong ki tnat sorkar waphær waphær.

Da ong u leh wa ki laad wow ye u yieñ ha jar jiar ki kjat em ki wei da em leh i thmu wow wai ya ka yaaw khappood waka Bangladesh kawa tip kam ka Kalaichar Border Haat yow yohlaad ki paidbah wow khayi kiwa em kamwa 5 Km na u pood waka Bangladesh.

Chooh chooh da ong u BDO wa ya kani ka Border Haat daw pynku kyrdan ya ka hadooh wa kiwa em palat 5 Km na u pood yow ye u dai ya ki maar yong ki.

U Sangma da kyntu u leh ya ki Cooperative Society wow pynboon ya ki dkhot kynthai yow yoh laad lang waroh ha ki khih ki khan.

Ha chwa ini u, Assistant Registrar, Cooperation Department, West Garo Hills, u AG A Sangma da klam u yeiwa ye ki Cooperative Society wow pynku ya ka yoh ka kot ka imlang sahlang wei emkaam u yakrehlang ki wow wanrah ya ka roi ka paar.

Pyrchah joor ka AJYWO hajrong ka Work Permit y....

Previous

Rah ka Nongmadan Pynursla FC yei naam jop ha k....

Next

0 Comments

Leave a Reply