Advertisement ad1

Shillong: Ka seiñ yong kiwa khayi dakha hapoh ka lama ka Khasi Jaiñtia Fish Wholesalers and Retailers Association (KJWRA) da pynche ki heiyatoh wa mih khubor kawa kynnoh wa ki dakha wa wanrah na barjylla toh kiwa da sahmiet wei ini waroh ymtoh iwa sakhiat.

Katkam wa kynnoh wa mih ha kawi ka kot khubor da ong wa ki truck wa kit dakha na Andhra Pradesh chimpor ki hadooh 18-20 sngi wow poi ya ki dakha cha ka jylla Meghalaya, tangwa neiliang ka KJWRA da kyntait deiwa ong wa chimpor du saan hadooh ynru sngi na Andhra Pradesh wei da booh ya ki dakha katkam ka stat sayan wa katni wei ym em pynemkaam dawai yow pynneh ya ki dakha. Da ong u Mitchel Wankhar uwa man u President wa u Donbok Marbaniang u Secretary ka seiñ.

Advertisement ad1

Hei yatoh won wa chah pynbaad wa da khleh dawai namo wa da e Injection da ong ki wa ym jooh em leh kamtæ neibhah ya ki dakha da tong na ki nan dakha kiwa khooid wei ym em man ko kawa maa wow baam ya ki. Boon toh kiwa da yah luti bakla ya ki paidbah lyngba ki video wa ki dur ki dar wa yoo ki paidbah lyngba ki Social Media.

Da pyntip leh wa chi trok ki dakha ym duna ki ya 15,000 tylli wei man ka sngi da wan hadooh 150 tylli ki truck wa kit dakha na barjylla wei lada em wa artatieñ ya ki dakha wa dai ha yaaw ye ki u wan yachem wa kiwa khayi dakha neibhah ki tip bha ki chaphang wa ini waroh.

Share this:
Share on Facebook0Tweet about this on TwitterGoogle+0
Advertisement ad1
Advertisement ad1