15 49.0138 8.38624 1 1 4000 1 http://wyrta.com 300

Ki kaam pyrchah aiñ ha kylleiñ ka jylla

0 Comments

Jowai: Ha ka 12 tarik uni u bnai ka Lalsangpuii Khiangte na Lumdemthring, Block-I, Shillong da ujor ko wa u Chariman/Director ka Free Training Programme neibynta kiwa khian paaid hapoh ka MANAS, Head Office, Leikai, Imphal da booh ki dei Phone Number yong ka khlem yohbor hadooh kiwa yaleh kreh da Phone ki ka hadooh wa thut i kaam yong  ka.

Ha ka 10 tarik won heipor kamwa 8:30 i miet ar ngut ki damok da wan psiah yabor ki ha ka Mobile Tower wa em ha Nongkylla, Ri-Bhoi wei da rah ki wa ki tiar siat wei da lute ki na kiwa kreh ya ki Mobile Phone yong ki.

Ha ka jooh ka sngi u Naveen Singhania da ujor u wa chah tooh sula na i dukan yong oo wa tip kam ka M/s Shubham wa em ha AC Lane, Police Bazar, Shillong wei neiliang ki pulit da kem ki ya u Galleed Lyngdoh Mawnai hei yatoh wa ini.

Ha ka 10 tarik biang u District Mission Coordinator, Dist. Unit, SSA-SEMAN, East Garo Hills Williamnagar, da ujor u wa ha kani ka miet da em ki damok wa psiah cha ka yungkrehkaam yong oo wei da tooh ki ya ki Computer wa em ha kani ka thaw.

Ha ka 25 tarik u Thohlakhmi (Feb), u Collin L Shabong da ujor u wa u Md. Akad Miah (20) da chah kem u na Pynursla (EKH) heipor wa psiah u cha ka ri India khlem biang ki kot ki sla wei ki pulit da kem ki oo.

Ym pu pdiang ka HSPDP ya i iehnoh kaam u Arden....

Previous

Beiñ joor ka MEPA yei chah dat kiwa pathai khu....

Next

0 Comments

Leave a Reply