15 49.0138 8.38624 1 1 4000 1 http://wyrta.com 300

Ki kaam pyrchah aiñ ha kylleiñ ka jylla

0 Comments

Jowai: Katkam wa pyntip ki pulit da ong ki wa u Nihim D Shira uwa sah ha Wahkdait, Khliehshnong, Malki, Shillong ha kani ka 3 tarik da ujor u wa da chah thok u ha uwi u bru wym tipmit uwa kam toh uwa kreh waka Nutralyte Company wei da thap poisa u hadooh T. 1,88,300 ha ki ar tylli ki SBI Account yong u Pankaj Singh wa u Bachu Das.

U President ka VDP ka dong Tiehsaw, Nongstoin, WKH da ujor u ynne ka sngi wa ki dkhot ka VDP da chem ki ya ar tylli ki tadong song sabon kiwa suba wa em drugs na iwi i yungwai wa sah u Diles Sohshang, wei hadien ini ki pulit da wan ki wei da yoh kem ki 15.56 gram i Heroin.

Ka Fardina C Marak da ujor ko wa da em ki ar ngut ki bru, u Arphi Marak wa ka Salchil R Sangma da pynemkaam ki da ki bom yow tynyap dakha na ka um yong ki kur ko ka wym chah wow khwe dakha kawa em ha ka wah Rongon, EGH.

Ha ka 2 tarik u D. Nongrang, I/c Security Cell, NEHU Shillong da ujor u wa heipor kamwa 5 waje i janmiet ar ngut ki bru, u Kenneth Lyngwa wa u Robinson Lyngdoh da chem wa pynsih ki wei da tympiah ki ya ki khiandwar wa em ha ka madan bol ka NEHU, Shillong wei waroh da dooh nong kamwa T. 10,000.

Ha ka chi tarik heipor kamwa 8:30 i miet da em wa tooh ya ka thuk thuk wa em ya u number ML-08D-3913 ka yong u Nityananda Koch uwa kreh ha Town Higher Secondary School, Tura.

U Aditya Agarwal da ujor u wa ha ka chi tarik heipor kamwa 2 waje i sngi da em kiwa tooh ya ki mar dai wa em ha kudam yong oo wa em ha 4th Furlong, Shillong. Hadien ini da tip ya uwi uwa chah pynbaad tooh kam u Rohit Das (25 snem) wei da kem wei da e kti ya oo cha ki pulit.

Ha ka chi tarik u Sodom R Marak da ujor u wa heipor kamwa 4:20 i janmiet le ngut ki bru wym tipmit wa wan da kawi ka kari Tempo wa em ya u number ML-08E-2988 wei da lai ki cha ka chnong Rangapani wa em hapoh ka Monabari OP, SWGH wei da tooh ki soo tylli ki blang wei da yut ki cheiliang i chnong Aidoba, SWGH.

Uwa ujor wa ki lok u da kdong ki ya ki kini ki bru wei da yoh ki u kem ya uwi u khynnah wa 17 snem ha chnong Talbari Mana wei hadien ini da yoh kem sa ya uwi u khynnah wa dang 17 snem wei da e kti ya oo cha ki pulit ka Mankachar PS.

Ha ka 30 tarik u bnai wa da dep ka Begom Ch Momin da ujor ko wa heipor kamwa 6:30 i janmiet da liwan ko cha yung yong ko wa em ha Dainadubi (NGH) wei da chem ko wa da chah khang tylla i ha ki boo yong ka kiwa tip pyrtuid kam ka Asia M Sangma, ka Jerim N Sangma wa ka Najima N Sangma.

Hadien ini da chem leh wa da wiar kawi ka kari Bolero pick-up, kawi ka scooty, ar tylli ki Computer, ka wi ka bicycle, ka SBI Passbook, ki mrad wa ri ko wa kiwi kiwi de.

Ha ka 29 tarik u bnai wa da dep, u Vinay Kumar Mahajan da ujor u wa ha kani ka miet da em wa tooh ya ka thuk thuk u na Upper New Colony, Shillong.

Ha ka 27 tarik u bnai wa da dep ka wi ka manbei da ujor ko heipor 11:15 i miet da chem ya iwi i Video yong u khon ko wa em u dui doh ha ka phone kawa hayung yong oo.

Beiñ ka NBAJAC yei rai samen u President ka SW....

Previous

E khublei Behdieñkhlam ka Seiñ Kyntu Seiñ Raij....

Next

0 Comments

Leave a Reply