Advertisement ad1

Shillong: Ha ka yalang wa khut da uwa yahkhmat ka BJP, u Nahlin Kohli; ki phadar, ki pastor wa kiwi ki wa yahkhmat da pynsñiaw ki wa i yaklam man i iwa biang kawa che tangwa daw pait ki ya ki kaam ka BJP wadaw leh ko namo ym leh ko katkam wa da kular ko.

Hawa yaklam wa kiwa pathai khubor hadien wa da wai ka yalang, ki pastor ka KJP Sepngi, kiwa mihkhmat ka Balang Katholik wa na ka Niamtre da pynche ki wa deiwa ong:

Advertisement ad1

Na ki Pastor 

U Pastor C Khongwir, Pastor SC Lymba, Pastor JC Diengngan wa u Pastor PG Khongsdir da pynsñiaw ki wa kam ki bru samen ymtoh kam ka Balang, da ong ki wa ka yalang man ko kawa che bha, “I da sñiawthooh  i wa ym em de da kamwi wei da wan ka BJP yeiwa bha katkam ka riti synchaar ka ri,” da ong kini ki pastor.

Da ong ki leh wa ka party da pynsñiaw ko chaphang ka baam doh masi, i rukom krehkaam ka RSS, i pynkhor ya ka VISA, Foreign Contribution (Regulation) Act, ka Ghar Wapsi wow pynman tre ri ya ki Hindu ka Bangladeshi, kiwa man i ma ya ki paaid wa ngait Christan wei kamjooh i thmu ka sorkar wow pynkrehkaam ya ka Citizenship Amendment Act 2016 kawa daw ktah joor ya ka jylla Meghalaya khamtam ki chnong wa em khappood wa ka Bangladesh.

Tangwa katkam wa ong u Kohli da pynthikna u wa kani ka aiñ ym ktah ko ya ka jylla Meghalaya.

Na ka Balang Katholik

Na ka Balang Katholik, wa yahkhmat da u Dr SL Marbaniang wa u Rev. Fr. John Madur da ong ki wa da yaklam chaphang i khang baam doh masi, i chah ban beiñ ki Christan kamjooh ya ka Ghar Wapsi.

Katkam i ong u Dr. SL Marbaniang, u Kohli da pynthikna u wa kiwa tyngkheiñ ya ka ain daw pynshitom bait ya ki neibha wa ka BJP ym em yachah ko ya kawon kawon ka niam.

Da ong u leh wa da yaklam chaphang ka aiñ Freedom of Religion Bill 1968, Expulsion Missionery 1969.

Na ka Niamtre  

Ha kani ka yalang kiwa wan na ka ki niamtre wa mihkhmat da u Devistone Swer uwa man kam u General Secretary ka Seng Khihlang deilang wa kiwi ki dkhot, u Swer da ong u wa ka Niamtre da pynsñiaw du ka wi ka phang ha u Nalin Kohli wei kattæ toh wa ka sorkar pyrdi toh u e ko ya ki myntoi ya ki niamtre neibhah wa man ki ki khian paaid hapoh ka Meghalaya.

Da e nongmuna u yeiwa man ha Punjab heiwa ki jaitbru Sikh man ki ki heh paid tangwa ym ye ki u kaam ya ka myntoi wei man ko kamjooh hapoh ka Meghalaya heiwa ki Christan man ki kiwa heh paid ym ye ki u kam ya ki myntoi wa khian wa toh u yoh ki.

Ya kani ka yalang wa khut da u Kohli da pynman ha Assam House, Shillong ynnin ka 12 tarik wei da e laad 20 minit ya kawi pa kawi ka niam wow klam ki.

 

Share this:
Share on Facebook164Tweet about this on TwitterGoogle+0
Advertisement ad1