15 49.0138 8.38624 1 1 4000 1 http://wyrta.com 300

Kiwa pyrchah yaka aiñ chongkha ka KHADC toh kiwa choon ya ka jaitbru: HS Shylla

0 Comments
Advertisement ad1

Shillong: U Chief Executive Member (CEM) ka Khasi Hills Autonomous District Council (KHADC), u Hispreaching Son Shylla da beiñ joor u ya kiwa pychah ya ka aiñ Khasi Social Custom of Lineage (Second Amendment) Bill, 2018 ha ka yalang paidbah wa da khut pynman deiwa krehlang hapyrdi ka Hynniewtrep Youths’ Council (HYC) Riwar Mihngi Circle wa ka Federation of Khasi Jaiñtia and Garo People (FKJGP) Pynursla Circle ha ka chnong Pynursla.

Kani ka yalang da khut pynman kam chibynta wow pynsñiaw yei kyrchaan ya ka Bill wei kini ki ar seiñ da khut ki ya ki MDC ka Grace Mary Kharpuri, u Jansing Tynsong, u Victor Rani, u Mansturdy Nongrem wa kynthup ya u Chief Executive Member (CEM) ka KHADC u HS Shylla, kiwa kitkaam ka STIEH wa kynthup ya ka Badariti L Nonglait waka F Majaw, u President ka HYC u Robertjune Kharjahrin wa kiwi kiwi.

Advertisement ad1
Advertisement ad1

Ha kani ka yalang da wan da ki paidbah na ki chnong wa ki thaaiñ wa marjan wa ka Pynursla wow yoh sñiaw ya i pynche hajrong kani ka Bill.

Hawa klam ha kani ka yalang, u HS Shylla, CEM ka KHADC, da beiñ joor u ya kiwa pyrchah ya kani ka Bill deiwa ong, “Kam ka Kong Patricia Mukhim wa ka Kong Angela Rngad ymtoh u klam ki ya ka jaitbru Khasi. Ki bru kiwa wan na ka yung wa chongkha khleh wa man ki bei baar jylla næ pa baar jylla wa man kurim baar jylla, deiwa burom ya ki hi ymtoh de u klam ki ya ka jaitbru. “

“Kiyi ki kini ki manbei ki ar ngut, yi wa phah wow pynchoi ki? wei ini da pynchrai ko ya ka jaitbru wa phi kiwa yoh kurim dkhar! Suki kiaw!. Nga klam chrai O toh neidaw wa kani toh ka kaam yap kaam im ka jaitbru. Nga klam O ya ini wa kini ki ar ngut ki manbei ka Kong Patricia Mukhim bad Kong Angela Rngad sñiawbha wow kset yei ktien yong phi hajrong ka jaitbru yong i,” da ong u HS Shylla.

“I ym kwah i wa phi u klam wei i burom i ya phi wei i kdup i ya phi kam ka jaitbru tangwa iwa dadep dadep,” da ong u HS Shylla.

U CEM da beiñ u leh ya ka Theilin Phanbuh deiwa pynbaad wa pynemkaam bakla ko ya ka chuki kam ka Chairperson ka Meghalaya State Commission for Women’s, kawa da soi ya ka chithi wow pyrchah ya ka Bill cha u Lat ka jylla.

“Kani toh ka kaam yap kaam im ka jaitbru yong i wei da em chiboon kiwa e yumut wow kdoh leh ya ki khon chynrang yong i ymdu ya ki khon kynthai wei ym leh i katni da ka aiñ ymye de wow khai,” da ong u Shylla, da beiñ u leh ya u John F Kharshiing uwa da thooh daw ya kani ka aiñ wei da pynbaad u wa kam kini ki bru ym kwah ki wow yada ya ka jaitbru.

“Hawa kamni kani ka chongkha khleh dang toh wow yatai ñia ka kamwa ong u John Kharshiing?, Ym emkaam de wei ka jaitbru da ngiah ki wow yatai hajrong ka chongkha khleh,” da ong u Shylla.

“I kwah i wa ki baar jylla ki wymtoh ki Khasi kiwa wan cheini wow tip ki wa em ka aiñ kawa khang ya ki wow chongkha wa ki kynthai Khasi,” da ong u.

“Kiwa pyrchah yaka aiñ toh kiwa choon ya ka jaitbru heiwa ka Bill kawa toh u yoh mynjur na u Lat ka jylla tangwa neidaw wa em kiwa pyrchah da slem kani ka Bill”, da ong u HS Shylla.

U CEM da ong u leh, “Ka hok yong ka jaitbru man ko kawa khroo bar ya i hok samen ki yong uwon uwon u bru.”

Hajrong i kyntu ka Seng Khasi wymhoi u pyndooh ya ka Tang Jait, u Shylla da ong u wa emkaam ya ka jaitbru bar ya ka Tang Jait.

“I em i ki aiñ ya ki baar jylla wa ha ka kaam khayi da khang, ka kaam thied thaw da khang, wei u baar jylla hawa wan u pait u da kawi ka dwar wow wai ‘Shaadi’ noh wa ki kynthai Khasi wei ka kynthai Khasi deiwa burom ka kylla man ko ka License ya kini ki kaam waroh.” da ong u CEM.

Advertisement ad1

Ki laad wow ujor heiyatoh wa i pynkrehkaam ya ....

Previous

Daw yakhun ka Hamlen FC pyrchah ya ka YBSC ha ....

Next

0 Comments

Leave a Reply