15 49.0138 8.38624 1 1 4000 1 http://wyrta.com 300 0

Kular kiwa khayi moo ka thaaiñ War Jaiñtia wow pyndam noh u pynemkaam ya ki truck ki baar jylla

0 Comments

Jowai: Ka Khasi Students’ Union War Jaiñtia ynne ka sngi da pyntip ko wa hadien wa boon bnai da lai ko wow booddien wow beh ya ki kari ki baar jylla kiwa em ha ka thaaiñ War Jaiñtia kiwa kamai pyrchah ya ka aiñ wow challan moochuni cha ri Bangladesh, kiwa khayi (Exporter) da khut ki ya ka seiñ cha ka miej yaklam haka 11 tarik uni u bnai heipor 5:30 i miet ha I.B. ka PWD we em ha Dawki.

Ha kani ka yachemlang da em leh u President yong ka War Jaintia Circle u Laitphar Syngkrem, u Ohibait Dkhar, President KSU JHDU, u Leningrad Tariang Organising Secretary KSU JHDU, u Kindly Khyriem Finance Secretary KSU WJC, u Lurman B. Talang General Secretary KSU WJC hei emlang u Officer In-charge yong ka Dawki Police Station.

Advertisement ad1

Ha kani ka yalang, neiliang ka seiñ da klam u Laitphar Syngkrem wa u Ohibait Dkhar kiwa da ong wa ya kani ka kaam da yaleh nadooh u snem 2018 neidaw wa booh ko yei eh kawa khroo ya ka thaaiñ War Jaiñtia waroh kawi lyngba i boon ki truck baar jylla katwa dang mih ki sngi wei ka challan pyrchah aiñ ya ki mar ki mata iwa da pyndooh kamai kajih leh ya ki tre ri tre chnong.

Da ong leh wa ini da wanrah ko yei boon ki baar jylla kiwa dang kharoi kat dang lai ki por.

Neiliang kiwa khayi moo namo ki Exporter da paan por ki na ka seiñ neidaw wa ki da dep e poisa (Advance Payment) ya kini ki kari wa chim ki na ki baar jylla khnang yow pyndep ya ka chimwai.

Da kular ki ya ka seiñ wow yaleh katwa ye yow pyndooh jait ya kini ki truck baar jylla lada ka seiñ e por ko ya ki, hanlada man ki kiwa biang ki kot ki sla leh ki ym chim de ki ya kini ki truck wa na baar.

Neiliang ka seiñ kamwa da rai ha ka yalang yong ka wa da dep wa ka ki paradoh para snam kiwa kamai hapoh ka thaaiñ ym toh u dooh kamai kajih ki, wei hajrong kani, ka seiñ da e por ko chibnai ya ki Exporter kamwa ki da kular ki wa ki toh u pynkhooid noh ya kini ki truck baar jylla hapoh ka thaaiñ War Jaiñtia waroh kawi.

Ini toh katkam wa pyntip u Lurman B. Talang General Secretary KSU WJC.

Advertisement ad1
Advertisement ad1

0 Comments

Leave a Reply