15 49.0138 8.38624 1 1 4000 1 http://wyrta.com 300

Kular u Conrad wow yakrehlang wa ka IMI wow kyntu ya ka kaam uiñke suwari ha ki thaiñ ri-loom

0 Comments
Advertisement ad1

Jowai: U montri rangbah ka jylla, u Conrad K. Sangma ynne da kular u ya kiwa yahkhmat ka India Mountain Initiative (IMI) wow yakrehlang pura wa ka wow wanrah yei rukom krehkaam ki hapoh ka jylla.

U President ka IMI, u Sushil Ramola wa u Secretary yong ka, u Fantry Mein Jaswal chirup wa kiwa mihkhmat yong ka da yachem ki wa u Conrad ha kamra krehkaam yong oo wow yakrehlang wa ka IMI hapoh ka jylla khnang wow pynkupbor ya ki bru na ki chnong ri-loom wow ye ki u yaleh pyrchah yei eh i khoo wa yachem ki.

Advertisement ad1
Advertisement ad1

Ha kani ka yalang u Conrad da pynsñiawthooh u ya ki yei thong ka sorkar jylla wow kyntu kynrong ya ka kaam uiñke suwari hapoh ka jylla heiwa da pyntip u wa ka sorkar da thooh ko ki laad ki luti wow yoh khih yoh kreh ki bru na ka kaam uiñke suwari.

“Dang pyrchang i wow wanrah ya i ku ki kaam uiñke suwari deiwa pyrkhat leh wow yada ya ka rymaw,” da ong u Conrad  ya kiwa yahkhmat ka IMI deiwa kyntu ya ki wow kreh ki ha ka jooh ka rukom khamtam heiyatoh wa ka kaam uiñke suwari wei wow yada ya ka rymaw.

U Chief Advisor yong u Conrad, u Thomas A. Sangma wa u Sahep warim ka tnat Forest ka jylla, u Tony C. Marak wa u Director Administration North East Region Community Resource Management Project (NERCORMP), u K. Hrishikesh Singh da emlang ki ha kani ka yalang.

Ka IMI toh ka dhab kawa kreh neibynta ki bru kiwa sah ha ki ri-loom kiwa tip leh kam ka India Himalayan Region (IHR) wow thooh ya ki laad wow pynsuk ya ki kaam hawa chem chitom ki paidbah nadooh i sdang phær i suiñ bneiñ, ka rep ka riang, i sdang man sor ki chnong khian, wa kiwi kiwi.

Ka IMI da em ka tnat yong ka ha Meghalaya wei da yaklam hajrong ini wa u Vice Chancellor ka Martin Luther Christian University, Dr. Vincent Darlong wa ki heh ka NERCoRMP.

Advertisement ad1
Advertisement ad1
Advertisement ad1
Advertisement ad1

Jop ka Eastern Pirates haka Knock Out Football....

Previous

Chah kem uwi na Punjabi Lane ynne ka sngi

Next

0 Comments

Leave a Reply