15 49.0138 8.38624 1 1 4000 1 http://wyrta.com 300

Kular u Sniawbhalang Dhar wow kreh ar chah ha kani ka kynti, ha ka sngi pynkup burom ya oo

0 Comments
Advertisement ad1
Advertisement ad1

Jowai: Ka NPP Nartiang Constituency ynne ka sngi da pynkup burom ko ya u MLA yong ka Constituency, u Sniawbhalang Dhar uwa man leh u montri yong ka sorkar MDA hapoh jylla Meghalaya.

Ya kani ka pynkup burom da pynlai da u Hamcom Khynriam uwa man u president ka Party na 1-Nartiang Constituency ha ka chnong Mynsngat heiwa da emlang ki khon ka Constituency.

Advertisement ad1

U Sniawbhalang hei klam da e khublei u ya ki khon ka 1-Nartiang Constituency kiwa da pynjop em burom ya oo ha kani ka Election wa dadep heiwa da kular u leh u kreh archah yeiwa da dep kreh u ha kani ka san snem wa da dep.

Chooh chooh da kular u wow e yarap ya ka chnong Mynsgat kamwa T. 10 lak hadien ka chnong da e ko chiboon ki vote ya oo na waroh ki chnong wa em hapoh ka constituency hadien ka chnong Wahiajer.

Ha kani ka sngi da emlang u Thombor Shiwat, u Phienlang Nonglieng kiwa man kam ki MDC ka JHADC wa ki waheh chnong na ki chnong waphær waphær kiwa em hapoh ka Constituency.

Ya ki kyntien pdiang burom da yoh na u waheh chnong ka chnong Mynsngat u Markos Surong wei da pynphooh ya kani ka sngi da ki rwai wa ki chaad na ki khon ka Constituency.

Ha ka 17 tarik u sdang ka 4th Mawryngkneng Inv....

Previous

Daw pynman ya i jied ya kiwa kitkaam ka KSU-NC....

Next

0 Comments

Leave a Reply