Advertisement ad1

Jowai: Ka NPP ynne ka sngi da pynman ko ya ka yalang paidbah ha madan Tpep-Pale, Jowai neibynta u kyrtong yong ka na 2-Jowai Constituency u Wailadmiki Shylla wei da wan sakhi da kiwa boon ki paidbah wa kyrchaan ya oo.

U Sniawbhalang Dhar hei klam yong oo da ong u wa ka NPP toh ka Party kawa thymme ka wympu em kiwon kiwon ki dak wa sih ha ka, wei u kreh ko yow wanrah ya ki kaam pynroi wei ka Jowai Constituency toh kawa da chah synchaar tput heiwa u MLA wa katni da ong u wa u kreh u du neibynta ki 9600 ngut kiwa pynjop ya oo.

Advertisement ad1

Da pteiñ u deiwa ong wa lada em kam itæ i mynsien cheiwon u ye u wanrah ya ka roi ka paar.

Hei yatoh wa u Wailadmiki u Sniawbhalang da ong u wa dadep sikai u oo la 8 snem kattu yow pynkhreh ya oo wow yieñ Election wei ymtoh uwa dang khynnah neibhah heipor wa jop Election u (Sniawbhlang) man u uwi na kiwa khian rta na ki MLA wei heipor wa man u kam u Montri da man u leh kam uwi uwa khian rta wow ksoh ya ini i kyrdan.

Da ong u leh wa i kreh wow chakri paidbah ym chong ko hei em kyrdan namo ka puræ puthi neibhah emkaam du ka mynsien krehchitom neibynta ki paidbah.

Neiliang u Wailadmiki won da ong u wa lada poi u cha i jop iwa nyngkong u leh u toh u pyndep yeiwa sahteiñ i chna ya ka Iawmusiang Shopping Complex kawa da wan wai ya ka leh da uwa seiñ ya ka NPP u (T) Purno Sangma.

U pyndep u leh ya ka Scheme saam um neibynta ka Jowai na wah Mynngot heiwa katni ka wah Myntdu ym em de man ko kawa biang wow dih ki bru.

Da kular u leh wow pynbiang ya ki tiar ki tar wa duna hapoh ka Civil Hospital yow ryngkat kyrdan ko wa kiwi ki Hospital wa bha, u pynbiang yeiwa dawa kiwa puræ ka Kiang Nangbah Government College, u pynbha ya ka Jowai Polytechnic wa ka ITI deiwa wanrah boon ki laiñ puræ, u yarap thooh laad kamai ya waroh ki khynroo khyllood, u yarap ya kiwa em i sap yaleh Sports wa boonjait yow ye ki u yaleh wa kiwi hapoh ka ri.

Heijooh i por da kular u wow yaleh pyrchah ya ka kaam dih drugs wa i dih ya kiwi ki jait pynmu-aid deiwa wanrah ya ki Rhabilitation Centre, ki Counsellor, wa kiwi kiwi.

Da ong u leh wa u kreh u wow wanrah ya i chongsuk chongsaiñ hapoh ka chnong ka thaw waroh kawi deiwa pynkhlan ya ki bor pulit kahmtam wow yada ya ki kynthai.

Heiyatoh waka khayi da kular u wow pynku ya ka kaam uiñke suwari kamjooh wow thoohlaad yow ye ki paidbah u chalan ya ki mar cha Bangladesh neibhah ka jan ko chiboon bar wow lai cha Assam, deiwa booh leh ya ki thaw booh mar kiwa katkam ka juk wa katni kam ki Cold Storage, wa kiwi kiwi.

Da ong u leh wa emkaam wow pynmiat dur ya ka chnong Jowai kawa da sah kamjooh bait kattu da boon snem.

Khaddooh da kyntu ya ki paidbah wow pynwiar noh yei mynsien wa ong uwa na sor wa na palat chnong.

 

Advertisement ad1